Зяленскі заявіў, што страты расейскіх вайскоўцаў набліжаюцца да 10 тысяч чалавек.
«Гэта вельмі страшна. 10 тысяч чалавек. Гэта хлопцы, 18 — 20 гадоў. Вельмі маладыя, амаль дзеці. Салдаты, якім не змаглі патлумачыць, чаму яны ідуць ваяваць, за што і чаму яны ідуць на чужой зямлі», — сказаў Зяленскі.
Зяленскі перакананы ў перамозе.
«Таму што немагчыма выйграць у людзей, якія без зброі ў руках спыняюць вайсковую тэхніку».
Зяленскі таксама выказаў упэўненасць, што ўцекачы хутка змогуць вярнуцца ў свае дамы.
Прэзідэнт Украіны падзякаваў сумежным з Украінай еўрапейскім дзяржавам за дапамогу.
«У нас фактычна няма мяжы з сяброўскай нам Польшчай», — асабліва адзначыў Уладзімір Зяленскі.
Наконт перамоваў з Расіяй Зяленскі быў асцярожны: «Пабачым, ці можна пайсці далей».
Цяпер чытаюць
Азараў закрыў план «Перамога» і перавёў усіх удзельнікаў у рэзерв17
Азараў закрыў план «Перамога» і перавёў усіх удзельнікаў у рэзерв
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3333
Каментары