Казаць, што расіяне адмовіліся ад штурму Кіева, пакуль рана — дарадца Мінабароны Украіны
Дарадца міністра ўнутраных спраў Украіны Вадзім Дзенісенка лічыць, што казаць пра адмову расіян ад штурму Кіева, яшчэ рана. Як перадае УНІАН, аб гэтым ён сказаў у тэлеэфіры.
Адказваючы на пытанне пра тое, што расіяне быццам ужо адмовіліся ад штурму Кіева і больш сканцэнтраваныя на ўсходзе і поўдні Украіны, Дзенісенка падкрэсліў: «Калі мы гаворым непасрэдна пра Прыірпенне, там ідуць баі. Ідуць баі ў Ірпені, расіяне акопваюцца. Але казаць, што яны адмовіліся ад штурму Кіева, шчыра кажучы, з майго пункту гледжання, яшчэ ранавата. Сапраўды, у іх цяпер няма сіл. Але ў той жа час мы разумеем, што яны сцягваюць да беларуска-ўкраінскай мяжы свае часці».
У той жа час ён адзначыў, што расіяне цяпер кідаюць усё, што ў іх ёсць, на Марыупаль і на Ізюм, як два ключавыя пункты для атрымання кантролю над Данбасам.
«Насамрэч, ад штурму Кіева пакуль ніхто яшчэ не адмаўляўся. Мяркуючы па ўсім, гэта пакуль у іх, скажам так, трохі адкладзена ў плане. Цяпер самае важнае для іх — гэта Марыупаль, Ізюм і гэты трохкутнік — Севераданецк-Лісічанск-Рубежнае», — падсумаваў Дзенісенка.
Цяпер чытаюць
У мінскім метро праходзяць выпрабаванні новыя цягнікі ФОТЫ4
Каментары