Міністэрства фінансаў Расіі паведаміла ў сераду, што замежны банк адмовіў у выкананні даручэння на выплату купоннага даходу па расійскіх аблігацыях, якія павінны былі быць выплачаныя 4 красавіка.
Фактычна Расіі цяпер пагражае дэфолт. Звычайна пасля таго, як краіна ці кампанія не змагла выплаціць абавязацельствы па ўзятых даўгах, то ім даецца перыяд даўжынёй у адзін месяц, каб правесці плацёж або знайсці грошы на яго. У такім выпадку магчымае, напрыклад, атрыманне асобнага дазволу на правядзенне канкрэтнага плацяжу.
Раней міністр фінансаў РФ Антон Сілуанаў казаў, што ў выпадку, калі аплата не пройдзе, то выплаты па даўгах Мінфін перавядзе ў рублі. Але наўрад ці такі спосаб спадабаецца заходнім крэдыторам.
Калі Мінфін не знойдзе спосабу аплаціць купоны, то дэфолт Расіі, такім чынам, надыдзе 4 мая. Раней паведамлялася, што дэфолт можа наступіць у сярэдзіне красавіка.
Дэфолт стане чарговай шокавай падзеяй для рынкаў і курсу рубля. Аднак не зменіць сітуацыю прынцыпова, бо многія замежныя інвестары ўжо сышлі з расійскіх актываў, а ЦБ абмежаваў магчымасці замежнікаў па вывадзе капіталу з краіны. Дэфолт ў такой сітуацыі можа толькі пагоршыць крызіс, але не стаць яго асноўнай прычынай, піша Бі-бі-сі.
Цяпер чытаюць
Дзе была зніклая Яна ў свой апошні дзень і дзе яе знайшлі КАРТА3
Каментары