Ministerstva finansaŭ Rasii paviedamiła ŭ sieradu, što zamiežny bank admoviŭ u vykanańni daručeńnia na vypłatu kuponnaha dachodu pa rasijskich ablihacyjach, jakija pavinny byli być vypłačanyja 4 krasavika.
Faktyčna Rasii ciapier pahražaje defołt. Zvyčajna paśla taho, jak kraina ci kampanija nie zmahła vypłacić abaviazacielstvy pa ŭziatych daŭhach, to im dajecca pieryjad daŭžynioj u adzin miesiac, kab pravieści płaciož abo znajści hrošy na jaho. U takim vypadku mahčymaje, naprykład, atrymańnie asobnaha dazvołu na praviadzieńnie kankretnaha płaciažu.
Raniej ministr finansaŭ RF Anton Siłuanaŭ kazaŭ, što ŭ vypadku, kali apłata nie projdzie, to vypłaty pa daŭhach Minfin pieraviadzie ŭ rubli. Ale naŭrad ci taki sposab spadabajecca zachodnim kredytoram.
Kali Minfin nie znojdzie sposabu apłacić kupony, to defołt Rasii, takim čynam, nadydzie 4 maja. Raniej paviedamlałasia, što defołt moža nastupić u siaredzinie krasavika.
Defołt stanie čarhovaj šokavaj padziejaj dla rynkaŭ i kursu rubla. Adnak nie źmienić situacyju pryncypova, bo mnohija zamiežnyja inviestary ŭžo syšli z rasijskich aktyvaŭ, a CB abmiežavaŭ mahčymaści zamiežnikaŭ pa vyvadzie kapitału z krainy. Defołt ŭ takoj situacyi moža tolki pahoršyć kryzis, ale nie stać jaho asnoŭnaj pryčynaj, piša Bi-bi-si.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie2
Kamientary