Мінэнерга патлумачыла, што зменіцца пасля пераходу Беларусі на расійскія рублі ў разліках за газ
З 1 красавіка Беларусь будзе плаціць за газ у расійскіх рублях. Учора пратакол пра гэта падпісалі міністр энергетыкі Беларусі Віктар Каранкевіч і кіраўнік «Газпрама» Аляксей Мілер. Як гэта паўплывае на велічыню тарыфаў для прадпрыемстваў і насельніцтва, расказала Мінэнерга ў сваім телеграм-канале.
Дакумент, паводле Мінэнерга, «дазволіць знізіць фінансавую нагрузку на арганізацыі рэальнага сектара эканомікі ў сувязі са змяненнем курсу беларускага рубля да даляра ЗША».
Таксама «прадугледжваецца, што тарыфы для названых спажыўцоў у краіне практычна будуць зніжаныя да ўзроўню, які склаўся ў лютым бягучага года».
Пры гэтым дасягнутыя дамоўленасці, запэўнівае Мінэнерга, не паўплываюць на цэны на газ і тарыфы на энергію для насельніцтва.
Памятаеце кадэта, які на сустрэчы з Лукашэнкам смела выступіў па-беларуску? Ён выехаў з краіны21
Каментары