«Рэал» упершыню ў гісторыі перамог «Чэлсі», «Вільярэал» сенсацыйна збіў «Баварыю». Вынікі матчаў серады ў Лізе чэмпіёнаў
Уладальнкі тытулу, лонданскі «Чэлсі», саступае камандзе былога настаўніка Карла Анчалоці. А трыумфатар Лігі Еўропы, «Вільярэал», скарае магутную мюнхенскую «Баварыю».
У мінулым годзе шляхі лонданскага «Чэлсі» ды мадрыдскага «Рэала» на шляху да трафея перакрыжаваліся ў паўфінале. Тады англічане літаральна знішчылі суперніка.
Магчыма, сумарны вынік двух матчаў, 3:1, пра гэта наўпрост не казаў. Аднак статыстыка так званых «чаканых галоў» (метрыка xG) дэманстравала татальную перавагу хлапцоў Томаса Тухеля — 5:1.
Аднак сёлета на «Стэмфард Брыдж» мадрыдцы ўзялі пераканаўчы рэванш. Тры трапныя стрэлы Карыма Бензема пераважылі мяч Кая Хаверца ды прынеслі іспанцам першую ў гісторыі Лігі чэмпіёнаў перамогу над «Чэлсі».
WHAT A GOAL BENZEMA! pic.twitter.com/QTCCfWEyPq
Тым самым форвард не толькі аформіў другі запар хет-трык у плэй-оф турніра, але і стаў самым выніковым французам у турніры падчас асобна ўзятага розыгрышу.
⚽️ GOAL!
Karim Benzema gets his second goal, three minutes after scoring the first ⚽️#CHERMA | #UCL
pic.twitter.com/FZvNVIPxCj
У першынстве-2021/22 ветэран адзначыўся 10 разоў, у той час як ягоны папярэднік Давід Трэзэге здолеў забіць максімум 8 галоў у спаборніцтве-2001/02.
⚽️ GOAL!
Karim Benzema get his hat-trick, 2 minutes into the second half#CHERMA | #UCL
pic.twitter.com/kLc0VaIOr0
Дадамо, што раней ніводзін з футбалістаў падчас сустрэч Лігі чэмпіёнаў не адзначаўся хет-трыкам у браму «Чэлсі».
Не менш гучная сенсацыя здарылася ў Вільярэале, дзе сціплы мясцовы клуб прымаў гранда, мюнхенскую «Баварыю». Каб зразумець розніцу ў класах ды бюджэтах клубаў, дастаткова ўзгадаць, што далей паўфінала ЛЧ гаспадары ніколі не дабіраліся.
Дый увогуле за ўсю гісторыю існавання яны выйгравалі толькі Лігу Еўропы мінулым годам ды двойчы заваёўвалі Кубак Інтэртота. Тады як немцы толькі на міжнароднай арэне 14 разоў перамагалі ў розных турнірах, а на радзіме дык увогуле 31 раз станавіліся чэмпіёнамі.
Тым не менш, статус апанента не засмуціў гаспадароў. І ўжо на восьмай хвіліне яны адзначыліся, дзякуючы высілкам Данжумы. Надалей жа карысталіся залішнім дысбалансам у абойме «Баварыі».
Danjuma with yet another huge goal as he opens the scoring Vs Bayern!
He's scored better, but they all count pic.twitter.com/8hrmR9JZQM
Госці хоць і выставілі максімальна атакуючы склад, аднак ніяк не маглі скаардынаваць дзеі на палове «Вільярэала». Калі ж небяспека ўсё-такі ўзнікала, сціплых іспанцаў ратаваў брамнік Рулі. Як вынік, намінальны аўтсайдар пары збіў з ног гіганта і дамогся гістарычнага поспеху.
Ці атрымаецца гэтую перавагу ўтрымаць у матчы ў адказ, даведаемся 12 красавіка. Як, дарэчы, і трыумфатара пары «Рэал» — «Чэлсі».
Каментары