Пуцін усе 12 хвілін даклада Шайгу пра Марыупаль трымаўся за край стала
Журналісты і карыстальнікі сацсетак заўважылі, што Пуцін сёння падчас дакладу Сяргея Шайгу пра Марыупаль быў вельмі напружаны.
За ўсе 12 хвілін, пакуль гэты даклад ішоў, ён ні разу не адарваў правую руку ад края стала, што добра відаць на афіцыйным відэа.
У сувязі з гэтым многія журналісты і карыстальнікі сацсетак прыгадваюць, што, паводле нядаўна апублікаванага даследавання часопіса «Праект», Пуцін з 2012 года пакутуе ад болю ў спіне пасля няўдалага падзення з каня. Ці звязана гэта неяк са станам здароўя — пакуль ніякай інфармацыі няма.
Дарэчы, падчас другой сённяшняй пуцінскай сустрэчы, з прэзідэнтам карпарацыі «Транснафта» Мікалаем Токаравым, сітуацыя была падобная.
Каментары