У беларускага Дзяржстандарта ўзніклі прэтэнзіі да падліўкі з агародніны «Храновіна» і яшчэ некалькіх прыпраў расійскай вытворчасці. Іх забаронена ўвозіць у Беларусь і прадаваць да таго часу, пакуль не будуць ліквідаваныя парушэнні якасці.
Соус «Храновіна» канфіскаваны з абарачэння, бо ў ім выявілі перавышэнне канцэнтрацыі харчовых дабавак — кансервантаў бензойнай і сарбінавай кіслотаў (Е210 і Е200). У ведамстве паведамляецца, што іх утрыманне ў 1,86 раза перавысіла максімальны ўзровень.
Патрабаванням тэхрэгламентаў Мытнага саюза, як аказалася, не адпавядаюць і іншыя прадукты вытворчасці пад брэндам «Стоевъ»: запраўка для курыцы і молатая чырвоная салодкая папрыка. У іх перавышанае ўтрыманне цвілі, а таксама выяўленыя бактэрыі групы кішачных палачак.
Імпарцёры і вытворцы, да якіх узніклі пытанні, могуць вярнуцца на рынак Беларусі, ліквідаваўшы парушэнні і даўшы доказы гэтага.
Літва зноў закрывае мяжу з Беларуссю — на нявызначаны тэрмін9
Літва зноў закрывае мяжу з Беларуссю — на нявызначаны тэрмін
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары