Літва закрывае транзіт чыгункай у Калінінград санкцыйных тавараў з іншых рэгіёнаў Расіі
Літва закрывае чыгуначны транзіт у Калінінградскую вобласць для тавараў, якія трапілі пад еўрапейскія санкцыі, паведаміў губернатар Калінінградскай вобласці Антон Аліханаў.
«Літоўскія чыгункі паведамілі Калінінградскай чыгунцы, што з нуля гадзін заўтрашняга дня яны спыняюць пропуск транзіту з Калінінградскай вобласці і ў Калінінградскую вобласць з іншых рэгіёнаў Расіі вялікага пераліку тавараў, якія трапляюць пад еўрапейскія санкцыі», — сказаў Аліханаў.
Паводле ягоных слоў, Літва спаслалася на тлумачэнні Еўракамісіі аб тым, што на тавары, забароненыя да ўвозу ў ЕЗ праз санкцыі, не распаўсюджваецца выключэнне аб калінінградскім транзіце. І сёння Літва паставіла Расію перад фактам, што з заўтрашняга дня гэтыя грузы не прымаюцца да перавозкі.
«Паводле нашых ацэнак, мы не завяршылі пакуль аналіз, гэта ад 40 да 50% наменклатуры грузаў, якія перавозіліся паміж Калінінградскай вобласцю і іншымі рэгіёнамі Расійскай Федэрацыі.
Гэта ў тым ліку будматэрыялы, цэмент, металы, цэлы шэраг іншых важных і для будаўніцтва, і для вытворчасці [матэрыялаў], гатовая прадукцыя, якая вывозілася з нашай тэрыторыі. Гэта запатрабуе цяпер ад нас тэрміновай пастаноўкі на лінію Усць-Луга-Балтыйск новых суднаў», — растлумачыў губернатар.
Увесь чыгуначны транзіт паміж Калінінградскай вобласцю і іншымі рэгіёнамі Расіі ішоў не толькі праз Літву, але і праз Беларусь.
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню27
Каментары