Ложкі — у тры ярусы. У якіх умовах вікіпедыст Бернштэйн правёў тры месяцы да суда
На гэтым тыдні вікіпедысту Марку Бернштэйну прысудзілі тры гады хатняй хіміі. Мужчыну абвінавачвалі ў «грубым парушэнні грамадскага парадку». Праекту «1906» стала вядома пра ўмовы, у якіх Бернштэйн знаходзіўся ў СІЗА.
Марк Бернштэйн — папулярызатар рускамоўнай «Вікіпедыі», аўтар больш за 200 тысяч правак і артыкулаў, у тым ліку пра Халакост і гісторыю СССР.
Пачаў займацца «Вікіпедыяй» Марк у 2008 годзе. Мужчына ўбачыў конкурс для вікіпедыстаў і вырашыў у ім паўдзельнічаць. З тых часоў гэта стала яго любімым хобі.
Працуе Марк начальнікам аддзела ў беларуска-расійскай IT-кампаніі. Праблем з працай пасля арышту ў мужчыны не ўзнікла, кіраўніцтва працягнула з ім кантракт.
10 сакавіка Бернштэйна дэананімізавалі ў расійскім тэлеграм-канале «Міратворац», 11 сакавіка такую ж інфармацыю апублікаваў беларускі канал, набліжаны да сілавікоў. Праз дзве гадзіны пасля гэтага Марка арыштавалі — абвінавацілі па артыкуле 342 КК.
У камеры на Валадарцы, у якой сядзеў Бернштэйн, было дрэннае асвятленне, чытаць кнігі не атрымлівалася. Мужчына з'яўляецца інвалідам па зроку, за тры месяцы зняволення ён у яго значна пагоршаў.
Камера была перапоўнена. У СІЗА №1 паступае дастаткова шмат людзей, відаць, не ўсім хапае месца, таму ў камерах ложкі стаяць у тры ярусы.
Бернштэйн сядзеў у адной камеры з Яўгенам Рубашкам, актывістам анархічнага руху, якому прысудзілі 5 гадоў пазбаўлення волі ў калоніі агульнага рэжыму.
З улікам адседжаных трох месяцаў у СІЗА Марку Бернштэйну застанецца адбыць 2,5 года хатняй хіміі.
Праекту «1906» таксама стала вядома, што ў дадзены момант мужчына не адчувае сябе ў бяспецы.
Чытайце таксама:
«Маштабная правакацыя з мэтай ўцягнення Беларусі ў вайну». Украінская разведка расказала больш пра ранішнія авіяўдары з Беларусі
Офіс Ціханоўскай — пра заблакаваныя рахункі беларусаў ва Украіне і прапановы гандлю палітвязнямі
-
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві
-
«Мне казалі: ты з глузду з'ехаў, які пашпарт, тут Кіеў могуць узяць!» Беларус расказаў, як згубіў ва Украіне дакументы і тры гады не мог з яе выехаць
-
У Добрушы чалавек дабіўся кампенсацыі ад гаспадара аўчаркі, па віне якой ён страціў вока
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары