Але Караленка за арганізацыю дзіцячага свята ў Гомелі далі 7 сутак
Пра тое, што гомельскую актывістку Алу Караленка асудзілі на 7 сутак арышту, паведаміла Радыё Свабода. У чым афіцыйна яе абвінавачвалі — пакуль невядома.
27 чэрвеня ў Гомелі мелася прайсці свята для ўкраінскіх дзяцей, якія ўцяклі ад вайны. Але ўдзельнікаў, якія сабраліся ў парку палаца Румянцавых і Паскевічаў, разагнала міліцыя.
29 чэрвеня па адну з арганізатарак, жыхарку Гомеля Алу Караленка, прыйшла міліцыя. Пазней стала вядома, што Ала ў ІЧУ.
Праўладныя тэлеграм-каналы выказаліся, што міліцыя ўмяшалася ў свята, бо баялася «правакацый і палітычных лозунгаў», а на масавае мерапрыемства яго ўдзельнікі не падалі заяўку ў гарвыканкам.
У студзені 2021 года сяброўка Беларускай сацыял-дэмакратычнай партыі Ала Караленка адбыла 7-суткавы адміністрацыйны арышт за арганізацыю навагодняга свята ў лесе, а затым 15 сутак правяла за фота з афіцыйным сцягам БСДП на фоне гарадской ялінкі ў Гомелі.
Чытайце таксама:
Адну з арганізатарак свята для ўкраінскіх дзяцей у Гомелі забралі ў ІЧУ
Міліцыя ў Гомелі разагнала ў парку дабрачыннае мерапрыемства для дзяцей бежанцаў з Украіны
Цяпер чытаюць
«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас13
Каментары