З некалькіх сотняў недзяржаўных устаноў адукацыі толькі крыху больш за дзясятак маюць права выдаваць дакументы аб адукацыі. Пра гэта заявіў міністр адукацыі Андрэй Іванец.
Паводле чыноўніка, новы Кодэкс аб адукацыі дазваляе фінансаваць прыватныя школы і дзіцячыя сады з бюджэту — нароўні з дзяржаўнымі. Але для гэтага, маўляў, неабходна адпавядаць патрабаванням, што прад'яўляюцца Мінадукацыі.
Сёння ў краіне некалькі сотняў прыватных школ, але з іх, як сказаў Іванец, толькі 13 атрымалі акрэдытацыю ад Мінадукацыі.
Яе выдае Дэпартамент кантролю якасці адукацыі, якая па новым кодэксе дазваляе выдаваць атэстаты аб сярэдняй адукацыі.
«З 1 верасня ім будзе патрэбны сертыфікат аб акрэдытацыі. Чаму? Таму што ні дакумент аб адукацыі яны не будуць мець права выдаваць з такой прыватнай установы адукацыі, і адпаведна мы не зможам потым перавесці гэтае дзіця ў дзяржаўную ўстанову», — заявіў чыноўнік.
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары