27 верасня прайшлі матчы 21-га туру чэмпіянату Беларусі па футболе ў вышэйшай лізе.
Лідэр чэмпіяната, барысаўскі БАТЭ, атрымаў валявую перамогу ў Лунінцы над «Гранітам» – 3:1.
Спачатку мікашэвіцкія футбалісты адкрылі лік (вызначыўся на 32-й хвіліне Дзяніс Сашчэка), але потым пяціразовыя чэмпіёны ў другім тайме забілі тры мячы ў адказ: Валадзько (49-я), Крывец (72-я), Скавыш (75-я).
БАТЭ як мінімум гарантаваў сабе сярэбраныя медалі.
Трэцюю запар перамогу атрымаў МТЗ-РІПА. Гэтым разам клуб перамог землякоў з «Мінска» – 1:0. МТЗ выйшаў з тройкі аўтсайдэраў, што пакінуць па выніках чэмпіяната вышэйшую лігу.
Іншыя вынікі: «Нафтан» – «Дынама» Мінск – 0:2, «Тарпеда» – «Дняпро» – 0:0, «Гомель» – «Дынама» Брэст – 3:1, «Шахцёр» – «Смаргонь» – 2:0, «Віцебск» – «Нёман» – 2:1.
Пасля 21 тура: БАТЭ – 50 (20 гульняў), «Дынама» Мінск – 40, «Дняпро» – 33, «Нафтан», «Тарпеда», «Шахцёр» – 32, «Дынама» Брэст, «Гомель» – па 28, «Нёман» – 27, МТЗ-РІПА, «Віцебск» – па 25, «Мінск» – 24, «Граніт» – 21, «Смаргонь» – 10 (20 гульняў).
22 тур пройдзе 4 кастрычніка.
Цяпер чытаюць
Былога супрацоўніка контрразведкі КДБ арыштавалі за здраду дзяржаве9
Каментары