ЗША пакуль адмаўляюцца перадаваць Украіне дальнабойныя ракетныя сістэмы ATACMS
Адміністрацыя прэзідэнта ЗША Джо Байдэна наўрад ці ў найбліжэйшы час зменіць сваё меркаванне адносна мэтазгоднасці пастаўкі Украіне дальнабойных ракетных сістэм, нягледзячы на паспяховыя контрнаступальныя дзеянні ўкраінскіх сілаў. Пра гэта піша CNN са спасылкай на крыніцы.
Амерыканскія чыноўнікі разглядаюць апошнія дзеянні Украіны на полі бою як доказ таго, што зброя і разведвальныя звесткі, якія Захад перадае ў апошнія месяцы, былі эфектыўнымі. У той жа час некаторыя з іх лічаць, што яшчэ занадта рана казаць пра пераломны момант у вайне, бо ў Расіі далёка не вычарпаныя вайсковыя сілы.
Апытаныя CNN крыніцы лічаць, што сітуацыя на поле бою пакуль не змянілася настолькі, каб казаць пра рэзкую змену ў стратэгіі падтрымкі Украіны. Прынамсі, пакуль ЗША не падтрымліваюць наданне ўкраінскім сілам тактычных ракетных сістэм далёкага радыусу дзеяння ATACMS, якія Кіеў прасіў перадаць у апошнія месяцы.
Адміністрацыя Байдэна ўсё яшчэ лічыць, што наданне сістэм ATACMS, якія маюць далёкасць дзеяння да 300 кіламетраў, можа прывесці да эскалацыі, паколькі яны могуць выкарыстоўвацца для абстрэлу самой Расіі.
У канцы жніўня намеснік міністра абароны ЗША ў пытаннях палітыкі Колін Каль заяўляў, што, паводле ацэнак Пентагона, «цяпер ім (Украіне) не патрэбныя ATACMS для выканання мэтаў, якія маюць непасрэднае дачыненне да цяперашніх баявых дзеянняў».
Цяпер чытаюць
У Лепелі затрымалі паляка, які нібыта здабыў дакументы вучэнняў «Захад-2025»10
Каментары