Вайна11

Расія афіцыйна прызнала, што за 7 месяцаў страціла больш вайскоўцаў, чым за 4 гады Афганістана і Першую чачэнскую

Міністр абароны Расіі Сяргей Шайгу падчас свайго звароту на тэлеканале «Расія 24» агучыў колькасць страт расійскай арміі з пачатку вайны. Лічбу непраўдзівую, але паказальную.

— 5937 чалавек загінулі ва Узброеных сілах Расіі з пачатку «спецыяльнай ваеннай аперацыі» (вайны супраць Украіны — заўв. НН), — заявіў расійскі міністр.

Гэтая лічба, відавочна, з'яўляецца заніжанай.

Рэсурсы, якія вядуць падлік па адкрытых крыніцах, ужо налічылі каля 6300 загінулых.

Акрамя таго, Шайгу заявіў пра 5937 загінулых толькі ў арміі. Але свае страты ёсць не толькі ў вайскоўцаў, але і ў МУС, Расгвардыі, прыватных ваенных кампаній, «добраахвотнікаў», спецслужбаў, армій так званых «ЛНР» і «ДНР».

Украінскія афіцыйныя асобы і заходнія СМІ ўвогуле называюць у 10 разоў большыя лічбы.

Нават калі лічыць лічбы Шайгу праўдзівымі, ён афіцыйна прызнаў, што Расія за няпоўныя 7 месяцаў «спецаперацыі» страціла людзей больш, чым СССР за першыя 4 гады вайны ў Афганістане і Першую чачэнскую вайну.

Вось як выглядалі страты СССР паводле афіцыйных даных за першыя 4 гады вайны.

1979 год 86 чалавек
1980 год 1484 чалавекі
1981 год 1298 чалавек
1982 год 1948 чалавек

У суме — 4816 чалавек.

Паводле афіцыйных даных, у Першую чачэнскую вайну Расія страціла 5732 чалавек з арміі і МУС.

Вядома, і цяперашнія лічбы Шайгу, і справаздачы савецкіх генералаў, і расійская статыстыка за 1994-1996 — хлуслівыя. Але прынамсі афіцыйна Расія прызнала, што за 7 месяцаў «спецаперацыі» яна страціла больш вайскоўцаў, чым за 4 гады Афганістана і Першую чачэнскую.

Ваенныя няўдачы СССР у Афганістане і няўдачы Расіі ў Чачні сталі моцнымі дэстабілізуючымі фактарамі. Уплыў гэтых войнаў на расійскую палітыку, грамадскую думку і масавую культуру цяжка пераацаніць. Імаверна, уплыў расійска-ўкраінскай вайны будзе яшчэ больш істотным і балючым для расійскай дзяржавы.

Каментары1

  • Мыш
    21.09.2022
    Які сэнс абмяркоўваць лічбу, на 100% ведаючы, што яна ілжывая? Гэта толькі нікому не патрэбная "легалізацыя" бессаромнай хлусні

Цяпер чытаюць

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню27

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Усе навіны →
Усе навіны

Рамзан Кадыраў ледзь не патануў на адпачынку ў Турцыі9

Крывавая страляніна: што адбываецца паміж Камбоджай і Тайландам?

«Казахстанскі квартал» і новабудоўлі ў Чыжоўцы, Масюкоўшчыне, Лошыцы. Як будзе забудоўвацца Мінск3

Галоўны трэнер «Нёмана» выканаў дзіўны танец пасля перамогі ў матчы Лігі канферэнцый

«Змагла развітацца па-людску». У Польшчы ў беларускі памёр муж — яна расказала, як даставіла прах на радзіму і арганізавала пахаванне

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму11

Францыя вырашыла прызнаць Палесцінскую дзяржаву. Ізраіль заявіў, што гэта «ўзнагарода за тэрарызм»15

Каранавірус паскорыў старэнне мозгу нават у тых, хто не хварэў4

Мінскае «Дынама» без шанцаў прайграла албанскай «Эгнаціі»2

больш чытаных навін
больш лайканых навін

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню27

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Галоўнае
Усе навіны →

Заўвага:

 

 

 

 

Закрыць Паведаміць