Бюджэт Беларусі на наступны год плануецца дэфіцытным — як і ў 2022-м. Гэта тлумачыцца тым, што «кан'юнктурныя даходы ад калію і нафты аднаўляюцца не ў поўнай меры». Крыніцы фінансавання дэфіцыту бюджэту на 2023 год ужо вызначаныя, заявіў падчас пасяджэння прэзідыума Саўміна міністр фінансаў Юрый Селіверстаў.
«Пэўны памер дэфіцыту будзе, але ён будзе забяспечаны пэўнымі рэсурсамі», — запэўніў Юрый Селіверстаў.
Міністр удакладніў, што папярэдне гаворка ідзе пра сумы ў памеры каля 3-4 млрд рублёў.
«Традыцыйна сацыяльная сфера не будзе абдзеленая. Ёсць заданне па росце аплаты працы. Пакуль папярэдне можна сказаць, што каля 3 млрд рублёў на фонд аплаты працы будзе дададзена», — заявіў Юрый Селіверстаў.
У 2022 годзе быў запланаваны дэфіцыт бюджэту ў памеры 2,8 млрд рублёў. Па выніках дзевяці месяцаў ён складае 2,3 млрд рублёў.
Цяпер чытаюць
Рэпрэсіі разганяюцца ці запавольваюцца? Давайце лічыць9
Рэпрэсіі разганяюцца ці запавольваюцца? Давайце лічыць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары