Украінская разведка сцвярджае, што ў Беларусі рыхтуюцца прыняць 20 тысяч мабілізаваных расіян
Мабілізаваныя маюць папоўніць дыслакаваныя ў Беларусі падраздзяленні УС РФ, сцвярджае Галоўнае ўпраўленне разведкі Украіны.
Для размяшчэння, паводле ГУР Украіны, плануецца выкарыстоўваць існуючыя ваенныя фонды, а таксама цывільныя памяшканні і будынкі. Пад гэтыя патрэбы перадаюць склады, ангары і іншыя памяшканні закінутых сельскагаспадарчых прадпрыемстваў і фермерскіх гаспадарак.
«Пасля павелічэння штата падраздзяленні будуць выкарыстоўваць расійскую вайсковую тэхніку са складоў на тэрыторыі Беларусі. Таксама плануецца ўзмацненне за кошт тэхнікі і ўзбраення, знятых з захоўвання на тэрыторыі Расіі. Недахоп тэхнікі для перавозкі асабістага складу акупацыйных войскаў плануецца папоўніць за кошт мабілізацыі цывільных грузавых і легкавых аўтамабіляў.
Таксама ўлады РБ далі загад праваахоўным органам садзейнічаць прадстаўнікам УС РФ у мабілізацыі расійскіх грамадзян, якія нядаўна заехалі на тэрыторыю краіны», — сцвярджае ўкраінскае ведамства.
Цяпер чытаюць
Шэсць фактаў пра Андрэя Шведа — былога генпракурора, які цяпер стаў старшынёй Вярхоўнага суда4
Каментары