«На больш выгадныя рубяжы». Стала вядомая афіцыйная фармулёўка Мінабароны Расіі пра здачу Лімана
Пасля доўгага маўчання Міністэрства абароны Расіі прызнала здачу Лімана, але зрабіла гэта ў сваёй манеры.
«Нягледзячы на панесеныя страты, маючы значную перавагу ў сілах і сродках, праціўнік увёў рэзервы і працягнуў наступ на гэтым напрамку. У сувязі са стварэннем пагрозы акружэння саюзныя войскі былі адведзеныя з населенага пункта Чырвоны Ліман на больш выгадныя рубяжы», — піша Мінабароны РФ.
Раней паражэнне ў Харкаўскай вобласці расійскае камандаванне называла «перагрупоўкай».
Ліман — першы ўкраінскі горад, які УСУ вызваляюць ужо другі раз. У сярэдзіне красавіка 2014 года яго захоплівалі сілы самаабвешчанай «ДНР». Тады кантроль над Ліманам быў адноўлены праз паўтара месяца, на пачатку чэрвеня 2014 года.
У 2022 годзе расійская армія змагла захапіць Ліман у канцы мая і ўтрымлівала яго больш за чатыры месяцы.
Каментары