«Na bolš vyhadnyja rubiažy». Stała viadomaja aficyjnaja farmuloŭka Minabarony Rasii pra zdaču Limana
Paśla doŭhaha maŭčańnia Ministerstva abarony Rasii pryznała zdaču Limana, ale zrabiła heta ŭ svajoj maniery.
«Niahledziačy na paniesienyja straty, majučy značnuju pieravahu ŭ siłach i srodkach, praciŭnik uvioŭ reziervy i praciahnuŭ nastup na hetym napramku. U suviazi sa stvareńniem pahrozy akružeńnia sajuznyja vojski byli adviedzienyja z nasielenaha punkta Čyrvony Liman na bolš vyhadnyja rubiažy», — piša Minabarony RF.
Raniej paražeńnie ŭ Charkaŭskaj vobłaści rasijskaje kamandavańnie nazyvała «pierahrupoŭkaj».
Liman — pieršy ŭkrainski horad, jaki USU vyzvalajuć užo druhi raz. U siaredzinie krasavika 2014 hoda jaho zachoplivali siły samaabvieščanaj «DNR». Tady kantrol nad Limanam byŭ adnoŭleny praz paŭtara miesiaca, na pačatku červienia 2014 hoda.
U 2022 hodzie rasijskaja armija zmahła zachapić Liman u kancy maja i ŭtrymlivała jaho bolš za čatyry miesiacy.
Čytajcie taksama:
«Ukraina niasie ciažkija straty, Rasija ździajśniaje podźvihi, Kijeŭ ukidaje fejki pra pieramohu». Jak rasijskija prapahandysty raskazvajuć pra adstupleńnie z Charkaŭskaj vobłaści
-
«Vialikaja savieckaja armija pieramahaje maleńkuju savieckuju armiju». USU stali prajhravać na poli boju paśla viartańnia da starych praktyk
-
U 14 nasielenych punktach Danieckaj vobłaści abviaścili abaviazkovuju evakuacyju siemjaŭ ź dziećmi
-
Ukraina maje piać klučavych patrabavańniaŭ u ramkach urehulavańnia vajny
Ciapier čytajuć
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju26
Kamientary