Беларусь і Расія вырашылі пытанне з падатковым манеўрам дзякуючы падпісанню дамовы аб ускосных падатках. Пра гэта заявіў прэм'ер-міністр Беларусі Раман Галоўчанка.
«Адзін з такіх знакавых момантаў, які знайшоў адлюстраванне ў гэтай дамове — рашэнне праславутага пытання па зваротным акцызе, які шмат гадоў абмяркоўваўся. Гэта звязана з цаной нафты для беларускага боку.
Таму пагадненне ў тым ліку, акрамя ўніфікацыі падыходаў па збіранні ўскосных падаткаў, ПДВ, акцызаў, фактычна выраўноўвае ўмовы для беларускіх суб'ектаў і расійскіх гаспадарак. Яны будуць працаваць у адзіным прававым падатковым полі.
… Расійскія калегі пайшлі насустрач, і цяпер праблема, якая доўгі час пэўны негатыў стварала ў эканамічным парадку, яна таксама вырашаная», — распавёў Галоўчанка пасля падпісання дамовы.
Расія пачала падатковы манеўр у 2019 годзе. Ён мае на ўвазе памяншэнне памеру экспартнай пошліны на нафту і павелічэнне на той жа памер падатку на здабычу карысных выкапняў. У выніку пошліна фактычна ўключаецца ў цану нафты, якую купляюць беларускія НПЗ, у той час як расійскім НПЗ урад РФ кампенсуе частку страт ад павышэння кошту сыравіны.
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове22
Каментары