«Беларусь для вас нейкі жарт ці што?» Твітар палыхае пасля паста Наўседы пра Скарыну
Прэзідэнт Літвы Гітанас Наўседа напісаў пост пра Францыска Скарыну, помнік якому ён наведаў падчас візіту ў Чэхію.
«Як бібліяфіл, я не мог з'ехаць з Прагі, не завітаўшы да помніка агульнай гісторыі Літвы і Чэхіі.
Гэты вялікі чалавек, Францыск Скарына, не толькі пакінуў значны след у гісторыі кнігадрукавання ў Чэхіі, але і апублікаваў самую першую кнігу ў Вялікім Княстве Літоўскім!» — напісаў Наўседа ў твітары і дадаў у канцы сцяг Літвы.
As a bibliophile, I couldn't leave Prague without stopping by the monument of common LT & CZ history.
This great man, Francysk Skaryna, not only made a significant mark on book printing history in , but also published the very first book in the Grand Duchy of Lithuania! pic.twitter.com/NGUhAm35b8
Многія карыстальнікі твітара абурыліся, што няма згадкі пра Скарыну як беларускага дзеяча.
«Варта адзначыць, што Скарына таксама быў часткай беларускай гісторыі. Яго Біблія была надрукаваная на старабеларускай мове, пераробцы царкоўнаславянскай. Для мяне было гонарам пабачыць на уласныя вочы некаторыя старонкі Бібліі ў Бібліятэцы Скарыны ў Лондане», — адрэагавала журналістка Ганна Любакова.
Твітарчукі нагадалі таксама, што першадрукар нарадзіўся ў Полацку.
«Францыск Скарына — гэта беларуская гісторыя, і сучасная Літва не мае да яго ніякага дачынення», — пакінуў допіс адзін з каментатараў.
«Беларусь для вас нейкі жарт ці што?» — гневаецца іншы.
«Гэта сапраўдны супергерой беларускай гісторыі, — даводзяць у каментарыях. — Чакаем, калі Новая Беларусь верне магчымасць перайменаваць наш галоўны праспект у Мінску ў гонар Скарыны».
«Упэўнены, што містар Наўседа ведае, што Вялікае княства Літоўскае не роўна сучаснай Літве, але ўключала ў сябе сучасную Літву, Беларусь і часткі Украіны, Латвіі, Польшчы, Расіі і Малдовы», — піша адзін з карыстальнікаў твітара.
«Гэта з той жа оперы, што і Скарына піцерскі», — абураюцца людзі.
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь7
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары
Про беларусов упоминается всегда вскользь. Больше Украина вспоминается. Ну про крэсы, про полонизации говорится открыто. Про проблемы, связанные с этим, пишется мало посредством двух строчек. И те, и другие имеют право на собственную трактовку, но ничем не обоснованный шовинизм так и сквозит. Так что неудивительно
вось і ў нас хацелі двінуць банкіра...