Навукоўцы высветлілі, чаму адных людзей камары кусаюць часцей за іншых
Людзі, на скуры якіх выдзяляецца больш карбонавых кіслот або прадуктаў іх перапрацоўкі скурнай мікрафлорай, прывабнейшыя для камароў, чым іншыя, піша Naked Science.
Да такіх высноў амерыканскія навукоўцы прыйшлі пасля эксперыментаў з удзелам 64 чалавек. Даследчыкі на шэсць гадзін надзелі на рукі добраахвотнікаў нейлонавыя рукавы, каб сабраць узоры лятучых рэчываў са скуры.
Потым гэтыя рукавы парамі змясцілі ў камеру з камарамі — адначасова ў ёй былі ўзоры двух розных людзей. Навукоўцы назіралі, якая тканіна прыцягне насякомых. Аказалася — тая, на якой больш карбонавых кіслот. Прычым узор-лідар быў у сотню разоў цікавейшы для камароў, чым аўтсайдар спісу.
Праз некалькі месяцаў эксперымент паўтарылі. Некаторыя добраахвотнікі за гэты час памянялі сродкі па догляду за скурай, але рэйтынг прывабнасці іх нейлонавых рукавоў для камароў застаўся тым жа самым.
Карбонавыя кіслоты — арганічныя злучэнні, якія ўваходзяць у склад сакрэту сальных залоз. Іхняя колькасць залежыць ад індывідуальных асаблівасцяў арганізму. Акрамя таго, яна стабільная — практычна не мяняецца з узростам, пры змене рацыёну або касметычных сродкаў.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»5
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары