Расія з дапамогай ФСБ рыхтуе пераварот у Малдове. Ён павінен адбыцца зімой, у выніку замест празаходняй Маі Санду краіну ўзначаліць прадпрымальнік Ілан Шор, які мае цесныя адносіны з Расіяй, піша The Washington Post.
На працягу апошніх тыдняў Кішынёў скалынаюць акцыі пратэсту, арганізаваныя партыяй Шора з патрабаваннем адправіць у адстаўку Санду.
Кантроль над двума асноўнымі прарасійскімі тэлеканаламі Малдовы быў перададзены блізкаму паплечніку Шора ў канцы верасня, што дало яму важную платформу для прасоўвання арыентаванага на Маскву парадку дня ў краіне, піша The Washington Times.
Акрамя таго, дадае амерыканскае выданне, перахопленыя звесткі сведчаць пра тое, што ФСБ накіравала групу расійскіх паліттэхнолагаў кансультаваць партыю Шора.
У інтэрв'ю Шор адмаўляў падтрымку з Масквы.
«Мы з'яўляемся абсалютна незалежнай партыяй, якая абараняе толькі пазіцыю грамадзян Малдовы», — сказаў ён. Акцыі пратэсту ён тлумачыць намерам выратаваць краіну ад энергетычнага калапсу, які непазбежны, калі Санду будзе працягваць дзейнічаць у тым жа духу.
На гэтым тыдні супраць Шора і яго жонкі спявачкі Жасмін былі ўведзеныя санкцыі ЗША. Па адной з версій, яны былі звязаныя якраз з пратэснай актыўнасцю партыі Шора ў Малдове.
Цяпер чытаюць
З праекта будаўніцтва мінскага метро выкінулі яшчэ дзве станцыі — «Кіеўскі сквер» і «Політэхнічную»6
Каментары