Бананы падаражэлі ўдвая, цукар амаль напалову, а вось яблыкі цешаць. Як змяніліся цэны ў Беларусі за год
Цэннікам у краіне загадалі не расці. У перыяд замарозкі мы вырашылі згадаць, за колькі беларусы куплялі папулярныя тавары год таму — а дакладней, у жніўні 2021-га. Самы аб’ектыўны паказчык — кошт цукру, цану на які ўстанаўлівае ўрад. За год ён падаражэў на 79 капеек, або на 46%. Адчувальна падаражэлі грэчка (на 1,72 рублі), рагачоўская згушчонка (на 1,27) і бананы.
Малочка, хлеб, каўбасы, гель для мыцця бялізны — абралі самыя папулярныя тавары штодзённага ўжытку і паглядзелі, колькі яны каштуюць цяпер. Некаторых марак, цэны на якія мы аналізавалі больш як год таму, ужо няма ў наяўнасці, таму для параўнання мы абіралі максімальна танны адпаведнік, аналагічны паводле складу і масы або аб’ёму.
Цікава, што нямала прадуктаў за год змянілася не толькі ў цане, але ж і паменшала ў масе. Так, цяпер вельмі складана знайсці 200-грамовае масла — у асноўным вытворцы прапануюць 180 і меней грамаў ва ўпакоўцы.
Папулярны пітны ёгурт маркі Teos налічваў у бутэльцы 270 грамаў, а стаў змяшчаць 260. Вялікі пачак чыпсаў Lay’s замест 150 грамаў стаў важыць 140.
Больш за ўсё з тавараў, якія мы параўноўвалі, падаражэлі бананы, кілаграм якіх год таму каштаваў 2,5 рублі, а цяпер — 5,27.
Таксама рэкардсменам стаў гель для мыцця бялізны — вырас у цане амаль удвая: год таму ён каштаваў 13,69 рублі, зараз — 26,95.
Больш за тое, паменшаў аб’ём прадукта — цяпер замест 20 мыццяў пакупнікам прапануюць 18.
За гэты перыяд патаннеў і кефір (без змяншэння аб’ёма прадукта). Яблыкі — прыхільнікі стабільнасці — засталіся на тым жа ўзроўні, дзякуючы добраму ўраджаю сёлета.
Самы аб’ектыўны паказчык — кошт цукру, цану на які ўстанаўлівае ўрад, за год вырас у цане на 79 капеек, або на 46%. Адчувальна падаражэла грэчка (на 1,72 рублі), рагачоўская згушчонка (на 1,27) і бананы (больш як удвая).
Падрабязней пра змены цэнаў глядзіце ў параўнальнай табліцы.
| Прадукт | Цана ў жніўні 2021-га (бел. руб.) | Цана ў лістападзе 2022-га (бел. руб.) |
| Хлеб чорны (0,5 бохана) | 0,66 | 0,77 |
| Малако 2,5 % (0,9 л) | 1,52 | 1,63 |
| Кефір 1,5 % (0,9 л) | 1,53 | 1,39 |
| Яйкі (10 шт.) | 1,73 | 2,4 |
| Цукар (1 кг) | 1,72 | 2,51 |
| Соль (1 кг) | 0,46 | 0,68 |
| Макароны Barilla (450 г) | 3,29 | 4,18 |
| Мука в/г (1 кг) | 1,09 | 1,4 |
| Рыс (900 г) | 1,73 | 2,86 |
| Грэчка (800 г) | 2,64 | 4,36 |
| Пшано (800 г) | 1,63 | 1,3 |
| Алей (1 л) | 4,99 | 5,87 |
| Масла 82,5 % (200 г) | 3,77 | 4,07 |
| Ёгурт пітны (270 г/ 260 г) | 1,19 | 1,75 |
| Сыр (500 г) | 7,95 | 9,28 |
| Каўбаса вараная (400 г) | 1,99 | 2,56 |
| Каўбаса сыравэнджаная (1 кг) | 17,55 | 18,88 |
| Сасіскі ( 1 кг) | 3,85 | 5,61 |
| Маянэз (400 г) | 2,99 | 3,49 |
| Шакаладны батончык Snickers | 1,19 | 2,21 |
| Шакаладка Alpen Gold | 1,99 | 2,23 |
| Чыпсы Lays (150 г/140 г) | 2,99 | 3,39 |
| Малако згушчонае | 2,19 | 3,46 |
| Гарбата Lipton (25 пакецікаў) | 1,99 | 2,66 |
| Кава растваральная Nescafe classic (85 г) | 4,83 | 5,75 |
| Морква (1 кг) | 1,49 | 0,61 |
| Цыбуля рэпчатая (1 кг) | 1,39 | 1,1 |
| Таматы (1 кг) | 1,99 | 4,86 |
| Агуркі (1 кг) | 1,1 | 3,9 |
| Яблыкі (1 кг) | 1,85 | 1,85 |
| Бананы (1 кг) | 2,5 | 5,27 |
| Вада негазаваная (0,5 л) | 0,69 | 0,71 |
| Вада «Баржомі» (0,5 л) | 2,69 | 3,12 |
| Газіроўка Coca-Cola (1 л) | 1,99 | 2,32 |
| Туалетная папера (4 рулоны) | 4,49 | 5,63 |
| Мыла Palmolive (5 штук)/ Duru (4 штукі) | 4,15 | 5,65 |
| Вадкі мыючы сродак Persil (20 мыццяў)/(18 мыццяў) | 13,69 | 26,95 |
| Калготкі Conte (40 дэн) | 7,85 | 9,35 |
Даўно даследуеце, як растуць цэны на прадукты? Маеце старыя чэкі і гатовыя падзяліцца сваімі назіраннямі? Напішыце журналістам у наш тэлеграм-бот. Або тым рэдактарам ці журналістам «Нашай Нівы», якіх ведаеце асабіста.
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве7
Каментары