Доктар назвала прышчэпкі, якія дапамогуць пры трыдэміі восенню і зімой 2022 года
Інфекцыяністы і вірусолагі ва ўсім свеце занепакоеныя мікст-інфекцыяй, так званай трыдэміяй, калі пацыенты падхопліваюць адразу COVID-19, грып і рэспіраторна-сінцытыяльны вірус.
Пра гэта расказала галоўны ўрач Мінскага гарадскога цэнтра гігіены і эпідэміялогіі Святлана Ярмак.
Па словах медыка, калі ў арганізме чалавека пасяляюцца тры вірусы адначасова, то гэта значна павышае рызыку цяжкай хваробы, сур'ёзных ускладненняў для сардэчна-сасудзістай, лёгачнай сістэм, таксама павышае рызыку доўгіх шпіталізацый і рэабілітацый. Пры трыдэміі не рэдкасць двухбаковыя пнеўманіі, інваліднасць. Магчымы і смяротны зыход.
Святлана Ярмак падкрэсліла, што рэспіраторна-сінцытыяльны вірус часцей за ўсё выяўляецца ў дзяцей да года і пажылых людзей, якім больш за 65 гадоў. Гэты вірус характарызуецца з'яўленнем бранхітаў і бранхіялітаў.
Медык яшчэ раз адзначыла неабходнасць прышчэпак, у першую чаргу правядзенне бустарных вакцынацый ад каранавіруса і штогадовых ад грыпу.
— Нават вакцынацыя супраць грыпу дае нам магчымасць абароны ад многіх вострых рэспіраторных вірусных інфекцый. Кожная вакцынацыя дае стымул імунітэту, — падкрэсліла Святлана Ярмак.
-
Прышчэпка ад COVID-19 дапамагае ў барацьбе з ракам — даследаванне
-
Стан чатырох чалавек, якія пацярпелі ўчора падчас надзвычайнага здарэння на «Беларуськаліі», стабільна цяжкі
-
Гэта прышчэпка можа выратаваць жанчын ад аднаго з відаў раку. Усё, што трэба ведаць пра вакцынацыю ад віруса папіломы чалавека
Каментары