«Некалькі разоў ударыў галавой аб металічную стойку». На чыгуначным вакзале ў Мінску жорстка збілі сямейную пару
Здарэнне адбылося яшчэ 17 верасня, у дзень «народнага адзінства», паведамляе СК.
Жанчына і мужчына (53 і 57 гадоў) набывалі квіткі ў адной з кас вакзала. Сямейная пара паміж сабой размаўляла гучна, пры гэтым яны жэстыкулявалі, так як з'яўляюцца інвалідамі па слыху. 35-гадовы нецвярозы мужчына, які знаходзіўся перад парай, расцаніў гэта як праяву агрэсіі ў яго бок. Ён схапіў за галаву мужчыну і некалькі разоў ударыў яго аб паверхню металічнай канструкцыі касы. Жонка пацярпелага паспрабавала заступіцца, але нецвярозы яшчэ некалькі разоў ударыў ахвяру ў галаву, пасля чаго сышоў з прыяцелькай з вакзала.
Ад атрыманых траўмаў 57-гадовы мужчына страціў прытомнасць. Відавочцы неадкладна выклікалі хуткую.
У яго дыягнаставалі чэрапна-мазгавую траўму, лінейны пералом лобнай косткі, удары абедзвюх лобных доляў галаўнога мозгу і іншыя пашкоджанні.
Неўзабаве міліцыя затрымала агрэсара. Згодна з матэрыяламі крымінальнай справы, абое, мужчына і яго прыяцелька, стаяць на ўліку ў нарколага ў сувязі са злоўжываннем спіртнымі напоямі, афіцыйна нідзе не працуюць, раней судзімыя.
Дзеянні мужчыны кваліфікаваныя па чч. 1, 2 арт. 339 (злоснае хуліганства, здзейсненае групай асоб) і ч. 3 арт. 147 (наўмыснае прычыненне цяжкага цялеснага пашкоджання, небяспечнага для жыцця, здзейсненае паўторна), а яго саўдзельніца абвінавачваецца па ч.2 арт. 339 (злоснае хуліганства, здзейсненае групай асоб) Крымінальнага кодэкса Рэспублікі Беларусь. Да іх з санкцыі пракурора прыменена мера стрымання ў выглядзе заключэння пад варту.
Цяпер чытаюць
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі32
Каментары