Грамадства55

Практычна не спала ў ШІЗА, губляла прытомнасць — што стала прычынай шпіталізацыі Марыі Калеснікавай

Экстранная шпіталізацыя з прабадной язвай і перытанітам сталі вынікам непрапарцыйна жорсткага ўтрымання ў штрафным ізалятары, паведамляе тэлеграм-канал Віктара Бабарыкі.

Марыя Калеснікава з татам у турэмнай бальніцы

Адвакат бачыў Марыю ў калоніі 17 лістапада. Пазней з'явілася інфармацыя, што яе змясцілі ў штрафны ізалятар.

У ШІЗА было вельмі халодна, Маша практычна не спала. Каб сагрэцца, яна ўвесь час хадзіла, зрабіла рэкордныя 15 тысяч крокаў па маленькай камеры ў адзін з дзён. Дэталі Маша распавяла бацьку падчас сустрэчы.

На працягу некалькіх дзён перад шпіталізацыяй Марыя ў ШІЗА губляла прытомнасць, у яе быў павышаны ціск і млоснасць. Яна страціла прытомнасць у душы, падрапаўшы пры падзенні ногі.

Доктар з калоніі адзначыў: у ШІЗА кожную раніцу праводзіцца агляд, дзе зняволеная можа расказаць, што яе турбуе. Нібыта з боку Марыі не было зваротаў. Пры гэтым у ШІЗА ёй давалі таблеткі ад ціску, якія без скаргаў на стан здароўя не далі б.

Фота: Ramil Nasibulin / BelTA pool photo via AP

28 лістапада Калеснікавай вынеслі чарговае пакаранне — яшчэ 10 сутак ШІЗА. Адваката не пусцілі. Пасля абеду ў гэты дзень у яе пачаўся крызіс: да праблем з ціскам, млоснасцю і непрытомнасцямі дадаўся пакутлівы боль у страўніку, Маша літаральна падала. Яе перавялі ў медыцынскі стацыянар, а ўвечары брыгада хуткай дапамогі экстранна даставіла Марыю ў бальніцу.

5 снежня Аляксандру Калеснікаву дазволілі сустрэцца з дачкой у медсанчасці калоніі. Дзякуючы гэтай кароткай сустрэчы даведаліся дакладную інфармацыю пра дыягназ Машы і пра тое, што яе ўжо перавялі са шпіталя ў медыцынскі стацыянар у калоніі. Яна таксама распавяла аб ходзе аперацыі і сваім самаадчуванні, падзякавала дактарам за выратаванне жыцця.

Каментары5

  • Грышка
    07.12.2022
    Дай жа, Божа, Марыі моцнасьці цела, розуму й духу. Дай ёй мужнасьці й падбадзёрваньня. Дай ёй здароўя й волі.
  • No
    07.12.2022
    Anatol Starkou, ты дурням нарадзiуся, цi iм стау?
  • Лана
    07.12.2022
    Anatol Starkou, з-за свайго характара ці ўсё ж праз злачынствы ее катаў?

Цяпер чытаюць

Чакаецца новы раўнд перамоваў між Беларуссю і ЗША — літоўскі СМІ9

Чакаецца новы раўнд перамоваў між Беларуссю і ЗША — літоўскі СМІ

Усе навіны →
Усе навіны

Зяленскі і Трамп збіраюцца абмеркаваць пастаўкі амерыканскай зброі ва Украіну

Расійскі летні наступ: як змянілася сітуацыя ва Украіне за месяц у чэрвені1

Невядомыя называюцца журналістамі жоўтай прэсы і пішуць беларусам з прапановай уступіць у каманду Сяргея Ціханоўскага16

Стала вядома пра вызваленне прэс-сакратара А1 Мікалая Брэдзелева6

На фронце загінуў намеснік галоўнакамандуючага ВМФ Расіі 6

Заўтра стане халадней, а з нядзелі зноў горача11

У Палтаве паказалі наступствы ўдару па горадзе

Дзмітрыя Лукашэнкі не было з бацькам і братамі на адзначэнні 3 Ліпеня34

Форвард зборнай Партугаліі і «Ліверпуля» Дыёгу Жота загінуў у аўтакатастрофе праз некалькі дзён пасля свайго вяселля1

больш чытаных навін
больш лайканых навін

Чакаецца новы раўнд перамоваў між Беларуссю і ЗША — літоўскі СМІ9

Чакаецца новы раўнд перамоваў між Беларуссю і ЗША — літоўскі СМІ

Галоўнае
Усе навіны →

Заўвага:

 

 

 

 

Закрыць Паведаміць