У другой паводле памеру ІТ-кампаніі Беларусі — вялікія перамены. Што вядома?
iTechArt — другая ў Беларусі паводле памеру штату пасля EPAM — рыхтуецца да рэбрэндынгу, у тым ліку да змены назвы. Пра гэта dev.by паведамілі супрацоўнікі кампаніі.
Работнікі iTechArt атрымалі ліст, у якім паведамляецца пра рэбрэндынг (скрыншоты ліста ёсць у распараджэнні рэдакцыі). У лісце напісана, што ўсім супрацоўнікам раскажуць падрабязнасці ў студзені 2023 года, а публічны прэс-рэліз мае з’явіцца ў лютым.
Вядома, што ў iTechArt з’явіцца новая назва (крыніцы dev.by не змаглі сказаць, якая менавіта).
Над рэбрэндынгам працуе дызайнерская студыя Pentagram. У партфоліа студыі — працы з Yahoo, Slack, MasterCard, Rolls-Royce, Jack Daniels ды іншымі вядомымі брэндамі.
Невядома, ці падпадуць пад рэбрэндынг усе офісы кампаніі, уключна з офісамі ў Беларусі. На працягу 2022 года шэраг міжнародных кампаній змяніў назвы сваіх беларускіх юрыдычных асоб (напрыклад, IBA Group, Adani, Currency.com).
У прэс-службе iTechArt ад каментароў адмовіліся, спаслаўшыся на канфідэнцыйнасць інфармацыі.
Цяпер чытаюць
Былога супрацоўніка контрразведкі КДБ арыштавалі за здраду дзяржаве9
Каментары