Свет

Меркаванай маці дзяцей Шайгу закрылі ўезд у Шэнгенскую зону на тры гады

Алене Камінскас (Шабуновай), якая лічыцца маці пазашлюбных дзяцей міністра абароны Расіі Сяргея Шайгу, не толькі анулявалі літоўскі дазвол на жыхарства, але і забаранілі ўезд у краіны Шэнгена на тры гады, піша «Агенцтва. Навіны».

Алена Шабунова (цяпер Камінскас) і Сяргей Шайгу

Камінскас забаранілі ўезд у Літву на пяць гадоў і ў краіны зоны Шэнгенскага пагаднення на тры гады. Пра гэта стала вядома пасля судовага пасяджэння, на якім Камінскас абскардзіла ануляванне дазволу на жыхарства ў рэспубліцы.

Судовыя пасяджэнні па справе Алены Камінскас праходзілі ў закрытым рэжыме, але сталі вядомыя падрабязнасці. Следства прадставіла ў Дэпартамент міграцыі заключэнне аб тым, што прысутнасць Камінскас у Літоўскай Рэспубліцы можа прадстаўляць пагрозу нацыянальнай бяспецы з-за яе сувязяў з расійскімі структурамі.

Акрамя таго, літоўскія ўлады запусцілі працэдуру пазбаўлення літоўскага грамадзянства мужа Алены Камінскас — літоўскага прадпрымальніка Адольфаса Камінскаса. Ён, як стала вядома ў кастрычніку, не пазней вясны 2022 атрымаў яшчэ і расійскае грамадзянства. Пры гэтым бізнэсовец не падаў літоўскім уладам звестак, на падставе якіх ён мог бы разлічваць на падвойнае грамадзянства (законы краіны дазваляюць яго толькі ў рэдкіх выпадках). Пытанне аб пазбаўленні Камінскаса літоўскага грамадзянства павінна вырашыцца на працягу бліжэйшых двух тыдняў.

У афіцыйнай біяграфіі Шайгу Алена Шабунова не фігуруе. У пачатку нулявых яна была бортправадніцай лётнага атрада расійскага МНС, якое ўзначальваў тады Сяргей Шайгу. Пра агульнага сына Шабуновай і Шайгу яшчэ ў 2006 годзе пісала бульварная прэса, а ў 2019-м выданне The Insider выпусціла расследаванне пра сувязь Шабуновай з міністрам. З яго вынікала, што ў Шайгу і Шабуновай можа быць яшчэ адно пазашлюбнае дзіця — дачка Дар'я.

У кастрычніку стала вядома, што Алене Камінскас анулявалі літоўскі дазвол на жыхарства. Тады ж высветлілася, што ў пазашлюбнай дачкі міністра абароны ёсць грамадзянства Літвы. Яна атрымала яго пасля таго, як Алена Шабунова выйшла замуж за Адольфаса Камінскаса.

Чытайце таксама:

У Літве выявілі, што дачка Шайгу мае літоўскае грамадзянства

Каментары

На фронце загінуў сын экс-кандыдата ў прэзідэнты Дзмітрыя Уса. Іван ваяваў за Расію6

На фронце загінуў сын экс-кандыдата ў прэзідэнты Дзмітрыя Уса. Іван ваяваў за Расію

Усе навіны →
Усе навіны

У мінскім Батанічным садзе правядуць фестываль агню

У Еўропе ўспрымаюць сустрэчу Пуціна і Трампа ў Будапешце як «палітычны кашмар»11

Прынц Эндру адмовіўся ад тытула герцага Ёркскага. Яму зноў вылезла бокам справа Эпштэйна

Арменія можа падаць заяўку на ўступленне ў Еўрасаюз ужо ў лістападзе1

Мерц: Візіт у ЗША прайшоў не так, як спадзяваўся Зяленскі6

Дзяржава просіць у беларусаў падзяліцца сваім бачаннем развіцця краіны на пяць год наперад — можна ананімна і без рэгістрацыі32

Выйшаў рэпартаж пра чатырох беларусаў, якія ваююць за Украіну ў мінамётным разліку на Харкаўшчыне5

Журналіста Паўла Дабравольскага абвінавацілі ў «здрадзе дзяржаве»6

У Лагойскім раёне прадаюць базу адпачынку за 3,2 мільёна даляраў1

больш чытаных навін
больш лайканых навін

На фронце загінуў сын экс-кандыдата ў прэзідэнты Дзмітрыя Уса. Іван ваяваў за Расію6

На фронце загінуў сын экс-кандыдата ў прэзідэнты Дзмітрыя Уса. Іван ваяваў за Расію

Галоўнае
Усе навіны →

Заўвага:

 

 

 

 

Закрыць Паведаміць