Mierkavanaj maci dziaciej Šajhu zakryli ŭjezd u Šenhienskuju zonu na try hady
Alenie Kaminskas (Šabunovaj), jakaja ličycca maci pazašlubnych dziaciej ministra abarony Rasii Siarhieja Šajhu, nie tolki anulavali litoŭski dazvoł na žycharstva, ale i zabaranili ŭjezd u krainy Šenhiena na try hady, piša «Ahienctva. Naviny».
Kaminskas zabaranili ŭjezd u Litvu na piać hadoŭ i ŭ krainy zony Šenhienskaha pahadnieńnia na try hady. Pra heta stała viadoma paśla sudovaha pasiadžeńnia, na jakim Kaminskas abskardziła anulavańnie dazvołu na žycharstva ŭ respublicy.
Sudovyja pasiadžeńni pa spravie Aleny Kaminskas prachodzili ŭ zakrytym režymie, ale stali viadomyja padrabiaznaści. Śledstva pradstaviła ŭ Departamient mihracyi zaklučeńnie ab tym, što prysutnaść Kaminskas u Litoŭskaj Respublicy moža pradstaŭlać pahrozu nacyjanalnaj biaśpiecy z-za jaje suviaziaŭ z rasijskimi strukturami.
Akramia taho, litoŭskija ŭłady zapuścili praceduru pazbaŭleńnia litoŭskaha hramadzianstva muža Aleny Kaminskas — litoŭskaha pradprymalnika Adolfasa Kaminskasa. Jon, jak stała viadoma ŭ kastryčniku, nie paźniej viasny 2022 atrymaŭ jašče i rasijskaje hramadzianstva. Pry hetym biznesoviec nie padaŭ litoŭskim uładam źviestak, na padstavie jakich jon moh by raźličvać na padvojnaje hramadzianstva (zakony krainy dazvalajuć jaho tolki ŭ redkich vypadkach). Pytańnie ab pazbaŭleńni Kaminskasa litoŭskaha hramadzianstva pavinna vyrašycca na praciahu bližejšych dvuch tydniaŭ.
U aficyjnaj bijahrafii Šajhu Alena Šabunova nie fihuruje. U pačatku nulavych jana była bortpravadnicaj lotnaha atrada rasijskaha MNS, jakoje ŭznačalvaŭ tady Siarhiej Šajhu. Pra ahulnaha syna Šabunovaj i Šajhu jašče ŭ 2006 hodzie pisała bulvarnaja presa, a ŭ 2019-m vydańnie The Insider vypuściła rasśledavańnie pra suviaź Šabunovaj ź ministram. Ź jaho vynikała, što ŭ Šajhu i Šabunovaj moža być jašče adno pazašlubnaje dzicia — dačka Darja.
U kastryčniku stała viadoma, što Alenie Kaminskas anulavali litoŭski dazvoł na žycharstva. Tady ž vyśvietliłasia, što ŭ pazašlubnaj dački ministra abarony jość hramadzianstva Litvy. Jana atrymała jaho paśla taho, jak Alena Šabunova vyjšła zamuž za Adolfasa Kaminskasa.
Čytajcie taksama:
U Litvie vyjavili, što dačka Šajhu maje litoŭskaje hramadzianstva
-
«Nie karalam!» U ZŠA prajšli maštabnyja akcyi pratestu suprać Trampa. Toj adkazaŭ u svajoj maniery
-
Pucin u razmovie z Trampam zapatrabavaŭ poŭnaj zdačy Danieckaj vobłaści ŭ abmien na pieramirje
-
«Niama nijakich dziaržaŭnych hrošaj, jość tolki hrošy padatkapłatnikaŭ». Čym Tetčer adroźnivajecca ad Natalli Kačanavaj
Ciapier čytajuć
U Pieciarburhu zatrymali komika ź Pinska. Jon try hady chavaŭsia paśla prysudu za žart pra milicyjantku3
U Pieciarburhu zatrymali komika ź Pinska. Jon try hady chavaŭsia paśla prysudu za žart pra milicyjantku
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1818
Kamientary