Стала вядома, што 28 снежня на 93-м годзе жыцця памёр акцёр Нацыянальнага акадэмічнага тэатра імя Максіма Горкага Андрэй Дударэнка. Інфармацыя з'явілася ў афіцыйным акаўнце тэатра ў сацыяльнай сетцы.
Андрэй Дударэнка нарадзіўся 10 кастрычніка 1930 года ў Расіі. У 1959 годзе скончыў Ленінградскі дзяржаўны тэатральны інстытут тэатра, музыкі і кінематаграфіі па спецыяльнасці «акцёр тэатра і кіно», працаваў у шэрагу расійскіх правінцыйных тэатраў.
З 1988 года Дударэнка працаваў у Мінску ў Рускім тэатры імя Горкага. За сваю кар'еру ў тэатры ён сыграў больш за 30 галоўных роляў, а таксама зняўся ў больш чым 50 кінафільмах.
Дударэнка працаваў з вядомымі кінарэжысёрамі, у ліку якіх Міхаіл Пташук, Уладзімір Хаціненка, Генадзь Палока, Аляксей Герман і іншыя. Самыя вядомыя фільмы з ягоным удзелам — «Халоднае лета 53-га», «Мой сябар Іван Лапшын», «У жніўні 44-га» і іншыя.
Па інфармацыі тэатра, развітанне з Андрэем Дударэнкам адбудзецца ў пятніцу, 30 снежня, у 11:30 у крэматорыі Паўночных могілак.
-
Фіналістка Алімпіяды-2008 у лёгкаатлетычнай эстафеце кіруе ў Брэсце гарадскім аўтобусам. Як так атрымалася?
-
Партрэт палітвязня Андрэя Пачобута высвечваецца на фасадзе Прэзідэнцкага палаца ў Варшаве ФОТАФАКТ
-
У Касцюковічах дашкольнікі пад наглядам пракурора «пісалі» лісты ў іншыя краіны пра дзяржаўную сімволіку
Цяпер чытаюць
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары