Улады ўзаконілі пірацкае выкарыстанне фільмаў і камп'ютарных праграм, а таксама шэры імпарт
Гэта тычыцца прадукцыі «недружалюбных» краін.
Закон ад 3 студзеня №241-З «Аб абмежаванні выключных правоў на аб'екты інтэлектуальнай уласнасці» дазваляе выкарыстоўваць без згоды праваўладальніка камп'ютарныя праграмы, аўдыявізуальныя і музычныя творы з краін, якія ўчынілі «недружалюбныя дзеянні».
Гэта, як адзначаецца ў законе, патрэбна для «забеспячэння функцыянавання інфармацыйна-камунікацыйнай інфраструктуры, стварэння ўмоў для лічбавага развіцця і павышэння ўзроўню інфармацыйнай бяспекі, развіцця інтэлектуальнага і духоўна-маральнага патэнцыялу грамадства».
У дакуменце прапісана, што калі выкарыстанне гэтых праграм і твораў платнае, то мусіць выплачвацца грашовая ўзнагарода. Грошы будуць пералічвацца на рахунак патэнтнага органа і захоўвацца там да запатрабавання. Калі на працягу трох гадоў сродкі не запатрабавалі, яны пераходзяць у рэспубліканскі бюджэт. Памеры выплат вызначае Саўмін.
Той жа дакумент узаконьвае шэры імпарт (яго называюць «паралельным»). Дазваляецца без згоды праваўладальнікаў з краін, якія чыняць «недружалюбныя дзеянні», увозіць тавары, у якіх выкарыстоўваюцца аб'екты інтэлектуальнай уласнасці, калі такія тавары істотна важныя для ўнутранага рынку. Іх пераліку пакуль няма.
Калі праваўладальнікі працягваюць супрацоўнічаць з Беларуссю, то іх гэтыя змены не закрануць.
Вышэйпералічаныя дзеянні не будуць лічыцца беларускімі ўладамі парушэннем выключных правоў.
Закон будзе дзейнічаць да 31 снежня 2024 года.
-
У Беларусі вырашылі не забараняць вэйпы — бо на іх ёсць «пэўны спажывецкі попыт»
-
У Мінску паставілі бронзавы помнік качцы, якая летась стала любіміцай сталіцы
-
Гісторыя ў ЕГУ — гэта гістфак вашай мары. Еўрапейскі дыплом з навучаннем на беларускай мове пры інтэнсіўным вывучэнні англійскай. І поўная свабода
Каментары