Інвестыцыйны эксперымент правёў Onliner. Журналісты палічылі даляр занадта простым шляхам для назапашванняў, таму з банкаўскага сховішча для іх дасталі юані і яшчэ пяць валют. Прайшоў год, падлічылі страты і здабыткі.
Набор для інвестыцыйнага эксперыменту быў такі: ена, канадскі даляр, фунт стэрлінгаў, шведская крона, швейцарскі франк, юань.
Зразумела, што купля валют — гэта хутчэй не пра множанне капіталу (калі не браць час маштабных фінансавых крызісаў, але тады лёгка і ўсё страціць), а спроба захаваць назапашванні або хаця б крыху іх павялічыць.
Больш за ўсё надзей было на юань, і за год у кітайскай валюты ў Беларусі было некалькі цікавых навін: яна ўвайшла ў кошык валют, а банкі пачалі прапаноўваць юаневыя ўклады.
І вось цяпер сапраўды можна сказаць, што трэба было рабіць на пачатку 2022-га. Шкада, што гэтая логіка не працуе на год наперад.
На момант падрыхтоўкі матэрыялу такія былі найлепшыя курсы ў банках.
Выходзіць, праз год паход у абменнік з гэтымі валютамі не прынясе выгады. Уласна, рызыкі, пра якія ведалі загадзя, матэрыялізаваліся.
Дастаткова прыкметны спрэд (розніца паміж курсам пакупкі і продажу) у некаторых выпадках павялічыўся яшчэ больш, банкі не зацікаўленыя купляць гэтую валюту. Але калі вы едзеце за мяжу і зможаце разлічвацца там фунтамі стэрлінгаў або шведскімі кронамі, гэта будзе разумным рухам грошай.
І бонус: журналісты паглядзелі, што адбывалася са 100 далярамі, набытымі па курсе 2,585, і 100 еўра, якія ў абменніку былі па 2,934. Найлепшы курс, па якім цяпер можна расстацца з далярам, — 2,6292 рубля, з еўра — 2,8262 рубля.
Атрымліваецца, што даляравыя ўкладанні маглі быць апраўданымі (але трэба было выбраць момант і ўтрымацца ад пакупкі даляра за 4 рублі), а вось для еўра год быў вельмі непрадказальным.
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка3
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары