Затрымалі яшчэ адну дзяўчыну, якую вінавацяць у перадачы звестак у ЧКБ
Сёння ГУБАЗіК расказаў пра яшчэ адну дзяўчыну, якая, быццам бы, перадавала нейкія звесткі ў «Чорную кнігу Беларусі» і каналу NEXTA.
Дзяўчыну клічуць Анастасія Іванова (у дзявоцтве — Дабравольская). Ёй 32 гады, яна з Магілёва. Працуе ў сферы SMM, займаецца арганізацыяй вяселляў.
У відэа сілавікі паказваюць перапіску быццам бы з акаўнта дзяўчыны з ботамі (не выдаленую). Там яна нібыта паведамляе ў «Чорную кнігу Беларусі» пра факт «палітычнага» штрафу, прысуджанага яе мужу, і скідвае ў бот «Нехты» сваё ўласнае фота з нейкай падзеі.
Невядома, ці сапраўдная гэтая перапіска і чаму затрымалі менавіта гэтую дзяўчыну — выпадкова ці праз уцечку даных.
«Наша Нiва» — бастыён беларушчыны
ПАДТРЫМАЦЬ
Каментары