Вайна88

«Пытанне стаяла так: ці я еду, ці ніхто». Маналог камандзіра эвакуацыі палка Каліноўскага

Настасся «Север» Махамет дзевяць месяцаў вывозіць з перадавой і найбліжэйшых подступаў да фронту параненых вайскоўцаў. Пра ваенныя будні камандзір эвакуацыі батальёна «Волат» палка Каліноўскага расказвае ў чаканні выезду на заданне з халоднага падвала.

Настасся «Север» Махамет. Фота: архіў Настассі «Север» Махамет

«Не я прыйшла на вайну, а яна прыйшла да мяне»

Я прыехала ва Украіну і планавала тут жыць да перамен у Беларусі. І гэта скаціна звалілася на мяне. Уцякаць другі раз я нікуды не хацела. Таму засталася тут.

Фота: архіў Настассі «Север» Махамет

Тры дні прасядзела ў сутарэнні катэджнага пасёлка пад Кіевам, а пасля паехала ў найбліжэйшы ваенкамат.

Я доктар, хірург. Заўжды цікавілася ваенна-палявой медыцынай. Шмат чытала пра розныя раненні. У мяне быў вялікі аб’ём тэарэтычных ведаў менавіта аб баявых траўмах.

Я не планавала ісці ў войска ці стаць ваенным доктарам. Калі б іначай склаліся абставіны, то я магла б цяпер быць у нейкай бальнічцы і працаваць у аперацыйнай.

«Была сярод першых беларусаў, якія падпісалі кантракт»

Спачатку я была ў тэрытарыяльнай абароне, затым у роце аховы, а калі стала зразумела, што мяне ў звычайнае падраздзяленне нельга аформіць, то перабралася да беларусаў. Тады гэта быў батальён Кастуся Каліноўскага. Тое было ў 20 чыслах сакавіка. Кантракт мы ездзілі падпісваць з Ванем «Брэстам» разам.

Фота: архіў Настассі «Север» Махамет

Я была сярод першых хлапцоў і дзяўчат, якія яго падпісалі, хаця беларусы сабраліся яшчэ ў пачатку сакавіка на базе «Азова». Першыя два месяцы выконвала абавязкі тылавога медыка, разбірала склад і лячыла прастуды.

«Пытанне стаяла так: ці я еду, ці ніхто»

З сярэдзіны мая я аказалася на эвакуацыі. Так выйшла тады, што не было каму ехаць і пытанне стаяла так: ці я еду, ці ніхто. Да таго ж я ўдзельнічала ў планаванні гэтай задачы. З таго часу я займаюся арганізацыяй эвакуацыі. Гэта ўсё ляжыць цяпер на мне.

Часта езджу на перадавую, не ведаючы падрабязнасцяў, валодаючы мінімальнымі ўводнымі па задачы, яе характары, але дзякуючы літаратуры і абмену досведам магу прыкінуць патрэбы для яе выканання.

Фота: архіў Настассі «Север» Махамет

Думаю, што я прыйду да таго, што неўзабаве буду сама старацца рабіць аб’езды, хаця тое не проста. Без падрыхтоўкі і інфармацыі даезд да месца дыслакацыі вайскоўцаў абцяжараны клопатам, каб не выдаць іх пазіцыі.

«Думала, што звар’яцею»

Самае страшнае — губляць людзей, а яшчэ цяжэй губляць іх у невядомасці. Калі ў нас было шасцёра зніклых без звестак, думала, што звар’яцею. Было дзікае адчуванне, што іх кінулі, хаця зрабілі ўсё магчымае. Цяпер, калі мы ведаем, што чацвёра з іх загінулі, а двое ў палоне, жыць лягчэй, бо маеш яснасць.

Фота: архіў Настассі «Север» Махамет

За час вайны шмат чаго памянялася. А я стала больш верыць у саму сябе. Меней сумнявацца. З'явілася бясстрашша, часам нават яно палохае. Проста не рэальна так не баяцца.

Раненне, якое здзівіла больш за ўсё, — гэта раненне нашага парамедыка. Ён адчуваў сябе выдатна, нягледзячы на раненне ў грудную клетку. Быў рухавым, выконваў задачы. А калі яму зрабілі рэнтген, то тут жа сказалі сесці, бо куля прайшла праз усё лёгкае.

Фота: архіў Настассі «Север» Махамет

Мара? Я проста хачу дамоў, але хачу ў свабодную Беларусь. У цяперашняй мне няма месца…

«Наша Нiва» — бастыён беларушчыны

ПАДТРЫМАЦЬ

Foreign Policy пра каліноўцаў: Сёння яны ваююць за Украіну, але спадзяюцца заўтра вярнуцца дадому і зрынуць Лукашэнку

У Палку Каліноўскага прыдумалі лайфхак для тых, хто не ведае, чым заняцца

Каліновец расказаў, як «Брэст» навёў агонь расійскай артылерыі на пазіцыі іх жа войскаў

Каментары8

  • мда...
    24.02.2023
    мда...
  • Magda
    24.02.2023
    Дзякуем шчыра ад усяго цывiлiзаванага сьвету … my z Polski z wami , żywiie Bełaruś !!!
  • алеся тожопушкіна
    24.02.2023
    "Я прыехала ва Украіну і планавала тут жыць да перамен у Беларусі"
    "Мара? Я проста хачу дамоў, але хачу ў свабодную Беларусь."

    "цудоўна"... а хто ж будзе рабіць перамены ў Беларусі? пушкін?

Цяпер чытаюць

«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку1

«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку

Усе навіны →
Усе навіны

Ініцыятыва Maldzis вяртае старадрук Сімяона Полацкага11

Марадона падчас свайго візіту ў Беларусь не захацеў сустракацца з Румасам1

Лукашэнка пракаментаваў збіццё сабакі ў Гродне і расказаў пра сваё трапяткое стаўленне да жывёл10

Дроны УСУ ўдарылі па двух расійскіх аб’ектах ВПК

Уладальніца беларускага брэнду жаночага адзення Moshe здзівілася шалёным цэнам канкурэнтаў11

Ізраіль наносіць новы ўдар па Іране3

«Прапанаваў грошы». Беларуска распавяла, як КДБ спрабаваў яе вербаваць1

Іранскія ракеты забілі 5 чалавек у Ізраілі, больш за 80 параненыя. Цэлі былі выпадковыя2

«У наш час у Хрыста была б жоўтая бірка». Былы палітвязень Аляксандр Тарасенка распавёў пра свой досвед за кратамі2

больш чытаных навін
больш лайканых навін

«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку1

«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку

Галоўнае
Усе навіны →

Заўвага:

 

 

 

 

Закрыць Паведаміць