«Робіцца невыносна». Міністр эканомікі Сербіі заклікаў увесці санкцыі супраць Расіі
Міністр эканомікі Сербіі Радэ Баста выступіў за ўвядзенне санкцый супраць Расіі, ад чаго краіна раней устрымлівалася. Пра гэта ён напісаў у інстаграме.
«Наша краіна ўжо плаціць высокую цану за тое, што не ўводзіла санкцыі супраць Расіі, і гэта становіцца невыносным», — заявіў міністр.
Ён падкрэсліў, што, як міністр эканомікі, не можа змірыцца з тым, «які ціск аказваецца на прэзідэнта Сербіі Аляксандра Вучыча, а мы маўчым».
«Вось чаму я за ўвядзенне санкцый супраць Расіі, я падтрымліваю прэзідэнта Вучыча ў абароне дзяржаўных і нацыянальных інтарэсаў і цалкам яму давяраю. Вось чаму я прашу ўрад Сербіі і ўсіх міністраў зрабіць заяву па гэтым пытанні», — заявіў міністр.
На мінулым тыдні прэзідэнт Сербіі Аляксандр Вучыч заявіў, што не можа «паклясціся», што Сербія ў нейкі момант не ўвядзе санкцыі супраць Расіі праз яе поўнамаштабнае ўварванне ва Украіну.
Дзяржаўныя сацыёлагі: Беларусы найперш звязваюць сваю дзяржаўнасць з Вялікім Княствам Літоўскім24
Каментары