Некаторых кліентаў «Белтэлекама» часова адключаць ад тэлебачання і радыё
Трансляцыя тэлевізійных і радыёпраграм будзе часова недаступная ў Мінскай, Гродзенскай і Віцебскай абласцях, паведаміла прэс-служба «Белтэлекама». Там растлумачылі, што 15 і 22 сакавіка будуць праводзіцца прафілактычныя работы ў сетцы эфірнага тэлебачання і радыёвяшчання.
Так, 15 сакавіка з 09:15 да 16:15 у Мінскім, Маладзечанскім, Валожынскім, Вілейскім і Смаргонскім раёнах не будзе магчымасці глядзець і слухаць:
- агульнадаступны пакет праграм;
- камерцыйнае эфірнае лічбавае ТБ;
- Маладзечанскую тэлесетку;
- МКТВ Маладзечна,
- Новае Радыё,
- Мінскую хвалю,
- Легенды ФМ.
А 22 сакавіка з 09:15 да 16:15 у Мінскім, Дзяржынскім, Стаўбцоўскім, Лагойскім, Барысаўскім, Вілейскім, Смалявіцкім і Докшыцкім раёнах не будзе трансляцыі:
- абавязковага агульнадаступнага пакета,
- праграм камерцыйнага эфірнага лічбавага ТБ.
Калі работы завершаць раней за пазначаны тэрмін, то праца перадатчыка будзе таксама адноўленая раней.
Пры гэтым правядзенне прафілактычных работ не закране інтэрактыўнае тэлебачанне ZALA.
Цяпер чытаюць
Хто з беларусаў трапіў на прыём да прэзідэнта Польшчы ШМАТ ФОТА36
Каментары