Гэта першы такі пазоў, пададзены ў адпаведнасці з Палажэннем аб судовым пераглядзе санкцыйных рашэнняў, піша Dev.by.
Суддзя Высокага суда Лондана Роберт Джэй адхіліў пазоў кампаніі Synesis аб скасаванні пастановы брытанскага МЗС аб санкцыях.
Як адзначаецца ў судовым рашэнні, гэта першая справа ў адпаведнасці з Палажэннем аб судовым пераглядзе брытанскага Закона аб санкцыях і барацьбе з адмываннем грошай 2018 года.
Вялікабрытанія далучылася да трэцяга пакета санкцый ЕС супраць беларускіх чыноўнікаў і кампаній 18 снежня 2020 года. У яго трапілі 29 чалавек і 7 юрыдычных асоб, у тым ліку ТАА «Сінэзіс» як распрацоўшчык сістэмы распазнавання твараў Kipod.
Паводле версіі Рады ЕС, Synesis забяспечыла беларускія ўлады платформай назірання, якая здольная аналізаваць відэа з ужываннем тэхналогіі распазнавання твараў. Гэта робіць кампанію адказнай за рэпрэсіі беларускага дзяржаўнага апарату ў дачыненні да грамадзянскай супольнасці і дэмакратычнай апазіцыі».
Будучы нязгоднай з высновамі Рады ЕС, Synesis абскардзіла санкцыі ў судзе ЕС, аднак рашэння па справе яшчэ няма.
24 лютага 2022 года Synesis трапіла пад санкцыі ЗША.
-
«У калоніі цанілі перадачы прапагандысткі Скабеевай». Былы палітвязень Яўген Меркіс расказаў, як выжываў за кратамі
-
Беларуска атрымала польскую візу, але не пачала па ёй ездзіць да закрыцця мяжы. Ці пусцяць яе цяпер у ЕС?
-
17-гадовая беларуска, затрыманая за запуск дрона ў Варшаве, прыехала ў Польшчу ўсяго некалькі дзён таму
Цяпер чытаюць
Да «Дня народнага адзінства» памілавалі 25 чалавек4
Каментары