У Беларусі з 28 па 30 сакавіка пройдзе планавая штогадовая праверка аўтаматызаванай сістэмы цэнтралізаванага апавяшчэння (АСЦА), паведамілі ў прэс-службе МНС.
Сістэма прызначаная для давядзення да насельніцтва і кіраўнічых органаў сігналаў апавяшчэння і інфармацыі аб пагрозе ўзнікнення або ўзнікненні надзвычайнай сітуацыі прыроднага і тэхнагеннага характару, аб правілах паводзін насельніцтва ў такой сітуацыі і аб ходзе ліквідацыі яе наступстваў.
Аўтаматызаваная сістэма цэнтралізаванага апавяшчэння дазваляе забяспечыць перадачу сігналу «Увага ўсім!» праз запуск электрасірэн і сістэм гучнай сувязі, перахоп агульнадаступнага пакета лічбавага тэлебачання, а таксама FM-радыёстанцый, якія вядуць трансляцыі на ўсёй тэрыторыі краіны.
Падчас праверкі будзе праводзіцца выбарачны запуск электрасірэннага абсталявання на абласным і мясцовым узроўнях апавяшчэння, а таксама перахоп тэлетрансляцыі і трансляцыі FM-радыёстанцый, запуск бягучага радка на тэлеканалах.
«Просім з разуменнем паставіцца да гэтых мерапрыемстваў», — адзначылі ў МНС.
Чытайце таксама:
Рэпрэсіі разганяюцца ці запавольваюцца? Давайце лічыць9
Рэпрэсіі разганяюцца ці запавольваюцца? Давайце лічыць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары