Рэдкая з'ява — на мяжы з Польшчай пачала збірацца чарга з аўтобусаў. Колькі часу займае праезд?
Велізарныя чэргі з грузавікоў і легкавых машын сталі для Беларусі нормай, чаго не скажаш пра чэргі з рэйсавых аўтобусаў.
Цягам чацвярга, 6 красавіка, у пункце пропуску «Брэст — Тарэспаль» назіраюцца чэргі не толькі з легкавых аўто, але і з аўтобусаў. «Брэст» застаецца адзіным пунктам пропуску, і перад ім пачалі збірацца чэргі з рэйсавых аўтобусаў.
Але і для гэтага пункта пропуску такая сітуацыя — даволі рэдкая з'ява. Польскі бок прыпыніў працу «Баброўнікаў» (з нашага боку «Бераставіца») з 12:00 10 лютага бягучага года, гэта быў адказ на антыпольскія крокі лукашэнкаўскага рэжыму, а першыя чэргі з аўтобусаў у Брэсце пачалі з'яўляцца толькі 26 сакавіка. Да гэтага часу непасрэдна перад заездам на тэрмінал, аўтобусы ў чарзе не збіраліся.
Людзі, якія апошнім часам парасякалі беларуска-польскую мяжу на аўтобусах і маршрутках у пункце «Брэст», кажуць, што на пераход мяжы на аўтобусе ідзе да 15—18 гадзін. Для параўнання, на праезд граніцы на легкавым аўто можа спатрэбіцца каля 30 гадзін.
Каб паскорыць працэс, карыстальнікі адмысловых чатаў дзеляцца лайфхакамі. Яны раяць спрабаваць падсесці ў тыя аўтобусы, што стаяць непасрэдна перад шлагбаумам, бо ў вялікіх аўтобусах часцяком застаюцца вольныя месцы.
Сітуацыя з чэргамі на беларуска-польскай мяжы абвастрылася пасля закрыцця польскім бокам «Баброўнікаў» 10 лютага. Пазней, 23 сакавіка, польскі міністр унутраных спраў і адміністрацыі Мар'юш Камінскі заявіў, што пераход «Баброўнікі» адновіць працу на наступны дзень пасля таго, як палітвязень-паляк Андрэй Пачобут выйдзе на волю.
Чытайце таксама:
З-за чэргаў на польскай мяжы ўладальнікі першачарговых пропускаў не могуць імі скарыстацца
На мяжы Беларусі і Расіі збіраюцца шматкіламетровыя чэргі з фур
Цяпер чытаюць
«Туфлі — 400 рублёў». Выпускнікі дзеляцца, у колькі абышліся іх вобразы2
Каментары