Аўто33

Колькі адна і тая ж машына з прабегам каштуе ў Беларусі, Літве, Польшчы і Расіі

Intex-press вывучыў папулярныя сайты па продажы патрыманых аўтамабіляў у чатырох краінах і параўнаў цэны на адны і тыя ж маркі і мадэлі. А таксама падлічыў, колькі трэба збіраць на машыну беларусу, літоўцу, паляку і расіяніну, адкладаючы сярэдні заробак па краіне.

 Ілюстрацыйны здымак. Фота: Intex-press

Нядаўна адзін з мінскіх аўтацэнтраў склаў рэйтынг самых папулярных недарагіх машын з прабегам, якія жыхары нашай краіны часцей за ўсё купляюць у крэдыт.

У тройцы лідараў аказаліся аўтамабілі Volkswagen, Renault і Toyota. Выбралі найболей папулярныя мадэлі гэтых аўто і параўналі цэннікі на іх.

«Гольф» у Беларусі ўдвая даражэйшы, чым у Літве

Адным з самых запатрабаваных патрыманых аўтамабіляў у лінейцы Volkswagen у Беларусі эксперты назвалі Golf. У нашай краіне гэты аўтамабіль каштуе нятанна: да прыкладу, мадэль 2007 года выпуску з дызельным рухавіком абʼёмам 1,9 літра прадаюць за 7 — 7,5 тыс. даляраў у эквіваленце.

За столькі ў Баранавічах прадаюць чорны Volkswagen Golf 2007 года. Фота: av.by

У суседзяў гэтая машына каштуе прыкметна танней. У Расіі, напрыклад, цэны на такую ​​ж мадэль (таго ж года і з такім жа рухавіком) вагаюцца ад 205 да 650 тыс. расійскіх рублёў, што эквівалентна 3,2 — 8,3 тыс. даляраў.

У Польшчы той жа «Гольф» можна купіць яшчэ танней — за 6 — 25 тыс. злотых (прыкладна 1,4 — 5,8 тыс. даляраў). Самыя ж дэмакратычныя цэннікі — у Літве, дзе гэтую машыну прадаюць за 1,4 — 3,5 тыс. еўра (1,5 — 3,8 тыс. даляраў).

«Паркетнікі» ў Еўропе не такія папулярныя

Яшчэ адна папулярная ў беларусаў марка — Renault. Асабліва нашы суайчыннікі палюбілі так званыя «паркетнікі» накшталт Sandero або Duster.

У Беларусі Renault Duster, напрыклад, 2015 года выпуску з бензінавым рухавіком 1,6 літра прадаюць за 11,5 — 15,7 тыс. даляраў у эквіваленце.

Аўтамабіль з тымі ж характарыстыкамі і таго ж колеру ў Літве. Фота: automobilis.lt

У Еўропе гэтыя аўтамабілі прадаюцца пад маркай Dacia. Аднак, мяркуючы па абʼявах на папулярных сайтах па продажы аўто, машыны гэтай мадэлі і маркі за мяжой не настолькі хадавыя, як у Беларусі. У Літве, напрыклад, калі і ёсць прапановы аб продажы Dacia Duster, то адзінкавыя. І альбо год не той, альбо абʼём рухавіка. І, як мы не шукалі, дакладна такой мадэлі не знайшлі.

У Польшчы абʼяў аб продажы гэтай машыны таксама няшмат, а просяць за аўто ад 34,9 да 43,9 тыс. злотых (8,2 — 10,3 тыс. даляраў у эквіваленце).

А вось у Расіі Renault Duster на рынку патрыманых аўто прадстаўлены даволі шырока. Яго кошт вагаецца ад 670 тыс. да 1,2 млн расійскіх рублёў (8,4 — 15,1 тыс. даляраў).

Такі ж аўтамабіль у Расіі. Фота: avito.ru

Цэны на японца не моцна адрозніваюцца

Замыкае тройку лідараў па папулярнасці Toyota. У Беларусі аўтамабіль мадэлі, напрыклад, Camry 2019 года з бензінавым рухавіком абʼёмам 2,5 літра каштуе ад 27,9 да 42,5 тыс. даляраў у эквіваленце.

У Польшчы такая ж машына прадаецца за 96,5 — 149,9 тыс. злотых (22,5 — 34,9 тыс. даляраў), у Расіі — за 880 тыс. — 3,6 млн расійскіх рублёў (10,9 — 44,6 тыс. даляраў). А вось у Літве машыны гэтай мадэлі калі і прадаюць, то гадоў на пяць-дзесяць старэйшыя і, адпаведна, значна таннейшыя.

Колькі трэба зарабіць у розных краінах, каб купіць аўто

Параўнанне цэн паказала, што ў кошце патрыманых аўто Беларусь прайграе краінам-суседкам. Гэта не страшна, калі цэны адпавядаюць узроўню заробкаў у краіне. Але, як аказалася, і ў гэтым нам складана канкураваць з суседзямі.

Сярэдняя заработная плата ў Беларусі складае 1687,8 рубля (апошнія афіцыйныя даныя за люты). Каб набыць самы танны Volkswagen Golf з тых, што разглядалі, сярэднестатыстычнаму беларусу трэба 12 такіх заробкаў (гэта тэарэтычныя разлікі, усе даныя па заробках — да выплаты падаткаў). Гэта значыць, каб назбіраць на машыну, чалавеку ў нашай краіне патрэбны год (вядома, пры ўмове, што ён атрымлівае сярэдні заробак па краіне і будзе цалкам яго адкладваць).

У Расіі сярэдні заробак складае 56,2 тысячы рублёў. Каб купіць самы танны ў Расіі «Гольф», сярэднестатыстычнаму расіяніну трэба адкласці прыкладна чатыры такія заробкі. 

У Польшчы сярэдні заробак складае 6733 злотых, у Літве — каля 1927 еўра. Выходзіць, паляку і літоўцу, каб купіць самы танны ў сваёй краіне «Гольф», патрэбны ўсяго адзін сярэдні заробак па краіне.

Каментары3

  • Вася
    09.04.2023
    Потрясающая журналистская работа, браво
  • Понятно
    10.04.2023
    Скоро и об этом забудем.
    Понятно, ни зарплат, ни машин, а только голая опа.....
  • Евгений
    11.04.2023
    В Литве средняя зарплата на бумаге 1900 евро , в Польше получают больше . Большинство получают до 1000 евро на руки , минималка и максималка делают среднюю , так что нечему тут завидовать .

Цяпер чытаюць

Дзяржаўныя каналы нечакана паказалі, як выглядаюць рэзідэнцыі Лукашэнкі знутры. Раней камеры туды не траплялі14

Дзяржаўныя каналы нечакана паказалі, як выглядаюць рэзідэнцыі Лукашэнкі знутры. Раней камеры туды не траплялі

Усе навіны →
Усе навіны

Былога футбаліста «Крумкачоў» асудзілі за ўдзел у пратэстах1

На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць19

ЗША паказалі ўласны аналаг іранскага дрона-камікадзэ

Лукашэнку далажылі, што камбайны не гатовыя да жніва ў кожнай трэцяй гаспадарцы3

Раскошны паўночнакарэйскі курорт для замежнікаў закрыўся праз тры тыдні пасля адкрыцця

Сілавікі выпадкова раскрылі, як менавіта правяраюць тых, каго падазраюць у «экстрэмізме». Спаліўся адзін з адказных за гэта13

Еўрасаюз увёў поўную забарону на фінансавыя транзакцыі ў дачыненні да некалькіх банкаў Беларусі78

Наталлю Говараву з траімі дзецьмі экакуявалі з Беларусі. Ёй пагражала чатыры гады хіміі

Сяргей Ціханоўскі папрасіў аб дапамозе63

больш чытаных навін
больш лайканых навін

Дзяржаўныя каналы нечакана паказалі, як выглядаюць рэзідэнцыі Лукашэнкі знутры. Раней камеры туды не траплялі14

Дзяржаўныя каналы нечакана паказалі, як выглядаюць рэзідэнцыі Лукашэнкі знутры. Раней камеры туды не траплялі

Галоўнае
Усе навіны →

Заўвага:

 

 

 

 

Закрыць Паведаміць