У Мінску затрымалі грамадзяніна Расіі за бела-сіне-белую налепку на машыне
Мужчына родам са Пскова. У запісаным сілавікамі відэа ён кажа, што набыў машыну дома і прыехаў на ёй у Беларусь, паведамляе «Вясна».
Меркавана, затрыманы — 60-гадовы Міхаіл Рымарчук, які працуе спартовым трэнерам у Пскове. У Беларусі жыве частка ягоных сваякоў.
Бела-сіне-белы сцяг ад нядаўняга часу стаў сімвалам расійскай антыпуцінскай апазіцыі. Гэтую сімволіку выкарыстоўвае сярод іншых легіён «Свабодная Расія», які ваюе на баку Украіны.
Сілавікі называюць арганізацыю «тэрарыстычнай» і закідваюць мужчыну «прапаганду тэрарызму».
Каментары