Украінскі гурт анансаваў канцэрт у вызваленай Ялце. Перадпродаж квіткоў ужо адкрылі
Украінскі гурт «Антитіла» адкрыў перадпродаж квіткоў на стадыённае шоу ў часова акупаваным горадзе Ялта на паўднёвым узбярэжжы Крыма на 23 жніўня 2024 года. Пра гэта гаворыцца ў паведамленні гурта ў Instagram.
«Лета 2024! Так, вам не здалося. «Антитіла» абвяшчаюць канцэрт у Крыме. Ва ўкраінскім Крыме. Мы адкрываем перадпродаж на першае вялікае стадыённае шоу ў Ялце», — адзначылі музыкі.
Канцэрт у Ялце запланаваны на 23 жніўня 2024 года. Месца правядзення — стадыён «Авангард». Квіткі можна набыць тут.
«Антитіла» ўпэўненыя, што летам 2024 года мы ўсе зможам сабрацца ў вызваленай ад расіійскіх акупантаў украінскай Ялце і ўпрыгожыць жоўта-блакітнай, сучаснай украінскай музыкай усё паўднёвае ўзбярэжжа Крыма», — напісала прэс-служба гурта.
Каментары