У Расіі завялі справу «аб апраўданні тэрарызму» супраць акцёра Аляксея Паніна
Расійскі Следчы камітэт распачаў крымінальную справу «аб апраўданні тэрарызму» супраць акцёра Аляксея Паніна, паведамілі расійскія СМІ. Акцёру пагражае да пяці гадоў пазбаўлення волі.
Расійскія следчыя лічаць, што акцёр апраўдваў дыверсію на Крымскім мосце, праведзеную ў кастрычніку мінулага года.
8 кастрычніка 2022 года на аўтамабільным мосце, які вядзе з Краснадарскага краю ў Крым, выбухнуў грузавік, пасля чаго загарэліся чыгуначныя цыстэрны з палівам на цягніку, які акурат праходзіў міма. У выніку абрынулася два аўтамабільныя пралёты моста, чатыры чалавекі загінулі. Расійская ФСБ абвінаваціла ў тым, што здарылася, вайсковую выведку Украіны і яе кіраўніка Кірылу Буданава, СК таксама трымаецца гэтай версіі.
Справу супраць акцёра завялі за пост на гэтую тэму ў тэлеграм-канале.
Аляксей Панін з'ехаў з Расіі ў Іспанію яшчэ да пачатку поўнамаштабнай вайны ва Украіне, але пасля пачатку баявых дзеянняў прыязджаў на радзіму. Ён публічна крытыкаваў расійскае кіраўніцтва за развязванне вайны і падтрымаў Украіну, хоць ад яго гэтага мала хто чакаў. У мінулым акцёр адзначаўся скандальнымі і эпатажнымі паводзінамі, у тым ліку дапускаючы і адкрыта антыўкраінскія выказванні.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1919
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс19
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары