Дзень Перамогі з дня «ніколі больш» ператварыўся ў кашмарнае «можам паўтарыць» — Ціханоўская
Беларусь па волі Лукашэнкі выступае ў гэтай вайне на баку агрэсара. Ярлыкі фашыстаў прапаганда вешае на тых, хто думае інакш. Свята перамогі пераўтварылася ў свята «пабедабесія». Святлана Ціханоўская выступіла з нагоды Дня Перамогі.
«9 мая 1945 года — гэта не толькі дзень памяці ў гісторыі чалавецтва. Гэта яшчэ і стартавая кропка, якую ўсе краіны — удзельніцы вайны выкарыстоўвалі для таго, каб больш не ваяваць, а будаваць квітнеючыя і развітыя дзяржавы. І толькі дыктатары выкарыстоўвалі яе каб загразнуць у крызісе і пачаць новую жахлівую вайну.
Мой прадзед Афанасій, які дайшоў да Берліна, быў бы ў жаху, даведаўшыся, што Дзень Перамогі з дня «ніколі больш» ператварыўся ў кашмарнае «можам паўтарыць», — сказала Ціханоўская.
У беларусаў, гаворыць лідарка дэмакратычных сілаў, усё яшчэ ёсць выбар.
«Які шлях развіцця нам бліжэйшы? Рэпрэсіі, войны, крызіс, міжнародныя ваенныя злачынствы, перапісванне гісторыі, вымыванне найлепшых спецыялістаў — ці ўсё ж такі свабода, інтэграцыя ў еўрапейскую эканоміку, рост узроўню жыцця, годныя зарплаты і пенсіі, магчымасць свабодна падарожнічаць па свеце, інвестыцыі ўсяго цывілізаванага свету ў нашу краіну?» — сказала яна.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца8
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары