Польская Камісія стандартызацыі геаграфічных назваў за межамі краіны прыняла рашэнне аб змене назвы Калінінграда. Зараз у Польшчы афіцыйна рэкамендуецца называць яго на польскай мове Крулевец, а Калінінградскую вобласць — Крулявецкай, паведамляе Reform.by.
Змены ўступілі ў сілу 9 мая. У абгрунтаванні рашэння камісіі адзначаецца, што сучасная назва горада «штучная». Назва горада ў гонар Міхаіла Калініна ў Польшчы ўспрымаецца эмацыйна і носіць негатыўны характар. У выніку прынята рашэнне вярнуць гораду гістарычную назву, якая існавала ў польскай традыцыі да сярэдзіны мінулага стагоддзя, калі Кёнігсберг па выніках Другой сусветнай вайны адышоў да СССР і быў уключаны ў склад РСФСР.
У рашэнні камісіі таксама згадваецца, што падзеі, звязаныя з расійскім нападам на Украіну, з навязваннем «рускага свету», вядзеннем РФ інфармацыйнай вайны, дазваляюць інакш паглядзець на назву горада.
«Кожная дзяржава мае права выкарыстоўваць у сваёй мове традыцыйныя назвы, якія падкрэсліваюць яе культурную спадчыну, і не можа быць разам з тым прымушана да выкарыстання ў сваёй мове назваў, што ёй не прымаюцца», — адзначаецца ў паведамленні.
Па-беларуску Кёнігсберг таксама раней называлі Каралеўцам.
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2727
Каментары
няма
гэта праўда?
латушка ўжопаляк?
тут да бабкі не хадзі)