Вольга Бондарава зрабіла «Драздоў» «Дзятламі» за песню на беларускай мове, якую спявалі пры Лукашэнку
Не выключана, што да сённяшняга затрымання былой старшыні Таварыства беларускай мовы і экс-дэпутаткі Палаты прадстаўнікоў Алены Анісім спрычынілася праз данос сумнавядомая гродзенская актывістка Вольга Бондарава.
Акурат сёння ў тэлеграм-канале Бондаравай з'явіўся скрыншот паста Алены Анісім у фэйсбуку ад 22 студзеня гэтага года. Анісім у ім напісала:
«Учора праехалася я на бацькоўскую сядзібу, а ўвечары трапілася гэтае відэа. Сугучна на ўсе сто!»
Відэа, на якое спасылаецца Анісім, — выступ у Баранавічах гурта «Дразды» з песняй «Хата бацькоў».
«Анисим, Дятлы и хата бацькоу. Змагарство таки рулит», — падпісала скрыншот Бондарава, знарок грэбліва перакручваючы назву гурта і калечачы беларускую мову.
Пры гэтым асаблівую пікантнасць сітуацыі надае тое, што тая ж «Хата бацькоў» гурта «Дразды» рэгулярна выконваецца на праўладных мерапрыемствах. Праўладны рупар «СБ. Беларусь сегодня» летась пісаў пра яе з нагоды канцэрта да прыдуманага рэжымам Дня народнага адзінства:
«Прымусіў спяваць «Мінск-Арэну» і гурт «Дразды». Іх «Хата бацькоў» усяго за год існавання стала адной з любімых як для саміх музыкаў, так і для ўсіх беларусаў. Віталь Карпанаў прызнаецца, што пасля выхаду песні атрымаў велізарную колькасць водгукаў і паведамленняў з удзячнасцю:
«Мы вельмі радыя, што «Хата бацькоў» знайшла водгук у сэрцах тысяч беларусаў. За той год, які жыве наша песня, мы бачылі вочы гледачоў, слёзы і ўсмешкі на іх тварах. І гэта абсалютная шчасце для любога артыста».
А вось як гэта выглядала. На першых секундах паказваюць віп-ложу з Аляксандрам Лукашэнкам.
Адзіны «крымінал», які нясе гэтая песня для Вольгі Бондаравай, — толькі тое, што яна на беларускай мове. Ніякай хоць бы прыхаванай апазіцыйнасці там няма ані знаку.
За дзейнасцю Вольгі Бондаравай, меркавана, стаяць высокапастаўленыя чыноўнікі, якія ёй спрыяюць.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары