Эканоміка11

«Фармат ГЦ размыўся». Як зараз жыве ГЦ Outleto, які хацеў скласці канкурэнцыю літоўскаму «Акропалісу»

ГЦ Outleto на праспекце Жукава ў Мінску называюць цэнтрам распродажу, домам высокіх скідак і першым аўтлет-цэнтрам у Беларусі. Менавіта так яго пазіцыянавалі, калі адчынялі ў 2015 годзе. Тут усе тавары збіраліся прадаваць са скідкамі да 90%, а ў развіццё ўкладваць 700 тысяч даляраў за год. Realt паглядзеў, як Outleto жыве сёння.

Забудоўшчыкам Outleto выступіў «БелГАЗаўтасэрвіс» — афіцыйны дыстрыб'ютар аўтамабіляў «ГАЗ» у Беларусі. Цяпер пра гэта нагадвае выставачны аўтамабіль каля ўвахода ў ГЦ. 

Старшыня рады дырэктараў ААТ «Кіруючая кампанія холдынгу «БелГАЗаўтасэрвіс» Міхаіл Супруновіч расказваў, што будаўніцтва комплексу каштавала 30 мільёнаў даляраў. У працоўную групу па кіраванні Outleto ўваходзілі літоўскія, латвійскія і беларускія спецыялісты. 

У планах было скласці канкурэнцыю літоўскаму «Акропалісу». 

«Нармальны ціхі гандлёвы цэнтр»

— Чыста маё меркаванне — гэта не зусім той фармат, — параўноўвае з літоўскімі ГЦ Іван, які часта бывае ў Outleto. — Гэта ціхі нармальны гандлёвы цэнтр, дзе няма пастаяннай дзвіжухі, кучы народу і чэргаў. Як для мяне, гэта, хутчэй, плюс, чым мінус. Але трэба ўлічваць, што я не вялікі фанат брэндаў і шопінгу ў цэлым. Зайсці нешта купіць і не выдаткаваць пры гэтым кучу часу і грошай — так. Але мэтанакіравана ехаць з іншага горада ці краіны — гэта наўрад ці.

Раней да ГЦ Outleto можна было даехаць бясплатным аўтобусам ад станцыі метро «Грушаўка». Цяпер такой опцыі няма, але грамадскага транспарту дастаткова: аўтобусы, тралейбусы і маршруткі ходзяць ад «Пушкінскай», «Інстытута культуры» і «Кавальскай Слабады».

— Пра Outleto мне запомніўся чамусьці менавіта гэты факт — бясплатны аўтобус, на якім можна было даехаць ад Грушаўкі. Шчыра кажучы, я не ведаю, ці карыстаўся ён папулярнасцю, бо сам на ім не ездзіў, — узгадвае мінчук Сяргей .

Але што там бясплатныя аўтобусы, спачатку хадзілі размовы, што ГЦ будзе арандаваць электрычкі, каб падвозіць пакупнікоў з іншых гарадоў, бо лічыцца, што ў ГЦ аўтлет-фармату людзі гатовы ехаць і за 140 кіламетраў. А ўкладваць у развіццё ГЦ планавалі больш за 700 тысяч даляраў на год.

Outleto — дастаткова кампактны гандлёвы цэнтр. Усяго тут два паверхі. 

Ёсць аўтлеты, але далёка не ўсе магазіны распрадаюць старыя калекцыі са скідкамі, многія працуюць у звычайным фармаце. 

У аўтлеце турэцкага брэнда LC Waikiki за 20 рублёў можна купіць жаночую блузку, за 40 — сукенку. Цэны тыя ж, што і на зніжках у іншых крамах сеткі, але скідак гэтых аб'ектыўна больш. Дарэчы, гэта не адзіны аўтлет гэтага брэнда ў Мінску — крама такога ж фармату ёсць у ГЦ Diamond.

Яшчэ з аўтлет-крамаў — адзенне Sister's, Colin's і Big Star, абутак ECCO, аксесуары «Галантэя». На першым паверсе — «Белювеліргандаль». У аўтлеце Kari прадаецца не толькі абутак і аксесуары, а ўсё — ад дробнай бытавой тэхнікі да ювелірных упрыгажэнняў.

На гэтым аўтлеты вядомых марак заканчваюцца. Ёсць некалькі стокаў і крам з невысокімі цэнамі і скідкамі. Напрыклад, у Sinsay прадаюцца сукенкі і басаножкі па 40 рублёў, сумку можна купіць танней як 30 рублёў, тут жа ёсць і дробязі для дома. Крама гэтага польскага брэнда працуе ў Outleto з 2020 года. Ён адкрыўся на месцы дзіцячага забаўляльнага цэнтра.

— Спачатку гэты ГЦ сапраўды ўспрымаўся як цэнтр аўтлет, цяпер жа, мне здаецца, гэта звычайны ГЦ з парай крам аўтлет-фармату, — дзеліцца меркаваннем адна з супрацоўніц ГЦ. — Аўтлеты можна сустрэць і ў іншых ГЦ. 

«Не хапае недарагога кафэ, пунктаў Wildberries і 21vek»

Прадавец лічыць, што фармат ГЦ размыўся, калі прыйшлі магазіны, якія сустракаюцца практычна ў кожным гандлёвым цэнтры. Яна мае на ўвазе Mark Formelle, «Мілу», «Востраў чысціні».

— Ды і той жа Kari. Ён хоць і лічыцца аўтлетам, зніжкавых пазіцый там не больш, чым у іншых крамах сеткі.

Яшчэ адна прадавец дзеліцца меркаваннем, што крам у Outleto дастаткова, а вось чаго не хапае, дык гэта пунктаў самавывазу інтэрнэт-крам і маркетплэйсаў.

— Думаю, з'яўленне тут пункта 21vek, Wildberries і Ozon станоўча адбілася б на трафіку, — лічыць яна.

Мяркуе, што не было б лішнім і недарагое кафэ.

— У ГЦ можна перакусіць у KFC, купіць шаўрму або сушы, выпіць кавы з марожаным, але вось паўнавартасна паабедаць не атрымаецца. Даводзіцца ісці ў кулінарыю «Суседзяў».

Да «Суседзяў» якарным арандатарам у ГЦ быў BIGGZ, а пасля яго — дыскаўнтар «Скарбонка». На падземным паверсе, па суседстве з паркінгам пару гадоў таму адкрыўся будаўнічы MILE.

— Гады тры таму зачыніўся аўтлет брэнда Koton, — успамінае адна з прадаўцоў. — Але масавага закрыцця я не назіраю. Большасць так ці інакш працягвае працаваць, і свабодных плошчаў у ГЦ асабліва і няма.

Каментары1

  • Vалик
    22.05.2023
    Все ясно. Идея была хорошая, реализация как обычно... А вообще, чтобы было как за границей, надо быть заграницей!

Цяпер чытаюць

Еўрасаюз рыхтуе поўную забарону аперацый з беларускімі банкамі6

Еўрасаюз рыхтуе поўную забарону аперацый з беларускімі банкамі

Усе навіны →
Усе навіны

Гурт «Дразды» пакідае сцэну і вінаваціць у гэтым «гіперактыўных блогераў»9

Дзяржаўныя каналы Беларусі выдаюць сутычкі ў Лос-Анджэлесе за «разгон мітынгоўцаў»5

У Гомелі мужчына дапамог данесці хворага да машыны хуткай дапамогі, а ў працэсе абакраў яго1

РПЦ асвяціла харугву ГУБАЗіКа ФОТАФАКТ4

Ізраіль афіцыйна прызнаў, што перадае Украіне сістэмы СПА

«Выйшла ў лес, крычала і плакала». Палітзняволеная расіянка з вокладкі «КП» расказала пра сваё зняволенне і дэпартацыю2

За здымкі на вакзале ў віцебскім СІЗА трымаюць аршанца Яўгена Бодрыкава2

«Праца цяжкая, але плён натхняе». Сёлетні клубнічны сезон працягнецца даўжэй, чым звычайна

На Зямлі ёсць нябачная мяжа, якую жывёлы не перасякаюць. Вось чаму2

больш чытаных навін
больш лайканых навін

Еўрасаюз рыхтуе поўную забарону аперацый з беларускімі банкамі6

Еўрасаюз рыхтуе поўную забарону аперацый з беларускімі банкамі

Галоўнае
Усе навіны →

Заўвага:

 

 

 

 

Закрыць Паведаміць