Андрэй Саннікаў выдаў дыхтоўную кнігу пра турэмную кухню розных краін
Экс-кандыдат у прэзідэнты і былы палітвязень Андрэй Саннікаў выдаў кнігу «ЗК — Забароненая кухня», прысвечаную ежы і кухні турмаў у розных краінах. Сродкі ад продажу збіраюцца накіраваць на дапамогу палітвязням.
«Скончыў унікальны праект — турэмную кулінарную кнігу. Сябры дапамаглі яе годна выдаць. Кніга ўнікальная тым, што рэцэпты страў і апісанне іх прыгатавання — гэта тое, што насамрэч гатавалі ЗэКа ў турмах для сябе», — напісаў Андрэй Саннікаў.
Па яго словах, былі ў свеце кнігі рэцэптаў страў, якія распрацоўвалі ў розных краінах для вязняў, а на розных мовах выдаваліся кнігі рэцэптаў страў, якія гатуюць у турмах і калоніях.
Аднак кніга кулінарнай творчасці саміх асуджаных пакуль адзіная.
«Усе сродкі ад рэалізацыі друкаваных прадуктаў, да якіх я маю дачыненне, ідуць на дапамогу палітвязням Беларусі», — зазначыў палітык.
Кніга выдадзена пад псеўданімам Лапіцый (яго паходжанне тлумачыцца ва ўступе да выдання), каб не падвяргаць небяспецы ўдзельнікаў праекта.
Усе стравы ў кнізе гатаваліся ў няволі і былі паўтораны на волі ў аўтэнтычным выкананні.
«Для бяспекі ахвотнікам заказаць кнігу і тым самым дапамагчы палітвязням прапаную пісаць асабістыя паведамленні. Нават калі вы не ў маіх сябрах на ФБ, я буду правяраць усе паведамленні. Або напішыце пад пастом у фэйсбуку, калі хочаце звязацца.
Грошы прапануецца пераводзіць праз Paypal, Paysend ці непасрэдна на рахунак арганізацыі (зарэгістраванай у Еўропе, што ёсць гарантыяй мэтавага выкарыстання сродкаў).
Пасля атрымання аплаты кніга/кнігі будуць адпраўлены на ўказаны вамі адрас.
Чытачам з Беларусі, на жаль, кнігу пакуль даставіць немагчыма з пункту гледжання бяспекі, яе могуць заказаць сябры, якія жывуць за яе межамі.
Чаму «ад»? Бо могуць знайсціся чытачы, якія захочуць дапамагчы палітвязням Беларусі ў большым аб'ёме і адначасова атрымаць унікальнае выданне», — дадаў Андрэй Саннікаў.
Пачатковы ўзнос — 99 еўра.
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1616
Каментары
рахунак арганізацыі (зарэгістраванай у Еўропе, што ёсць гарантыяй
мэтавага выкарыстання сродкаў).....