«Значыць, не лёс». Анатоля Шумчанку не ўзялі кіроўцам на «хуткую»
У аб'яве пра вакансіі, якую размясцілі на сайце па пошуку працы, пазначаны заробак — ад 800 да 1000 рублёў пры адсутнасці досведу працы і наяўнасці вадзіцельскіх правоў катэгорыі «B».
Анатоль Шумчанка, піша «Народная Воля», ужо даўно шукае працу, адгукнуўся на прапанову. І тут жа атрымаў культурную адмову.
«Цалкам відавочна, што прычына адмовы ў працы па вакансіях, куды я пастаянна звяртаюся час ад часу, не ў маіх прафесійных навыках і якасцях, а ў мінулай грамадска-палітычнай дзейнасці, — выказвае сваё меркаванне Анатоль. — Учора я адгукнуўся на вакансію кіроўцы «хуткай дапамогі», а сёння прыйшла адмова. Характэрна, што там досвед не патрабаваўся, заробак невысокі (800 рублёў), наяўнасць правоў катэгорыі «В» у мяне маецца. Хацеў паслужыць людзям, ратуючы іх, хай і такім чынам, але, значыць, не лёс…»
Апошні год лідар прадпрымальнікаў марна шукае працу. Яго нікуды не бяруць.
Цяпер чытаюць
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку61
Каментары